Arslan.mn

Дуучин Т.Ариунаа өөрийн цахим хуудаснаа "Над шиг хэнэггүй бүү яваарай" гэжээ.

Тэрбээр "4-р сарын 17-нд Солонгос улс руу нисэж ирлээ. Ирсэн зорилго маань "Нүдний болор" солиулах хагалгаа. Бага ангид байхдаа л юмнаас их үсэрдэг хөдөлгөөнтэй охин байсан. Аав маань эмч, бариачаар байнга очиж үзүүлнэ. Эмчийн зөвлөснөөр, аав маань шил тааруулж зүүлгэсэн ч, хүүхдүүд дөрвөн нүдэт гээд янз бүрээр хочилж, дооглодог байсан тул удаан шил зүүгээгүй л дээ.

Хараа маань муудаж байгааг мэддэг хэрнэ залуу насандаа төдийлөн анхааралгүй, хэнэггүй явсан. 10 жилийн өмнө нүдний эмчид үзүүлж хараагаа тэглүүлэх талаар үзүүлсэн ч эвэрлэг бүрхүүл нь нимгэн гээд тэглүүлэх боломжгүй гэхээр тэр чигтээ хаясан. 2 жилийн өмнө, мартсан, нүдээ Болороо эмчид очиж үзүүл гэж танил маань зөвлөсөн. Эмч зүүн нүд хасах 12 буюу 10 хувьтай хардаг хөгжил нь ер нь зогсонги, баруун нүд 40 хувьтай гээд 2 шил тааруулж өгөв өө. Ингээд 2 жил гаран шилээ тууштай зүүсэн шилгүй олон жил хөмсгөө зангидаж нүдээ онийлгон явж байснаас, шилээ зүснээр, юмсыг тод хараад сайхан байлаа. Улаанбаатар хотын нарийн мэргэжлийн хэд хэдэн эмч нартаа үзүүлж болороо солиулж болно гэсэн шийдвэрт хүрж Сөүл ниссэн юм. 19, 20 нд дараалан 2 нүдэндээ болор солиулах хагалгаандаа орж, баруун нүдэндээ олон талсттай болор, Зүүн нүдэндээ ойрын харааны болор суулгуулсан.

Болор солиулах хагалгаанд хөгшин настай хүнд хийдэг гэдэг нь буруу ойлголт юм билээ. 40 өөс 50 насны хооронд хийгддэг. Монголчуудад нүдний хуурайшилт маш их, нүдний ариун цэвэр хамгаалалт чухал болохыг эмч сануулсан зөвлөгөө өгсөн. Нүд бол биеийн дэнлүү гэдэг шүү дээ. Дэнлүүгээ хайрлаж хамгаалж, багаас нь хүүхдүүдээ үзүүлж харуулж, хамгаалах тал дээр эцэг эхчүүд анхаарч, бидний үеийнхэн болороо харуулж үзүүлж байгаарай. Миний нэг нүдний болор цайлт 80 хувь, нэг нь 40 хувьтай байсан над шиг хэнэггүй, бүү яваарай. Тайзан дээр бүдрэх, унах, харанхуйд үзэгдэл юмсыг харахгүй халтирч унах, жижиг бэртэл авах, харааны бэрхшээлээсээ болж их юм үзсэн нөхөр л дөө" гэж цахим хуудаснаа нийтэлжээ.