Монгол Улсын Ерөнхийлөгчийн зарлигаар  төрийн дээд одон медаль, цол, шагнал гардуулах ёслол өнөөдөр Төрийн ёслол хүндэтгэлийн танхимд боллоо.

Тулгар төр байгуулагдсаны 2,226, Их Монгол Улсын 811, Үндэсний эрх чөлөөний хувьсгалын 106, Ардын хувьсгалын 96 жилийн ойн баярын босгон дээр эрхэлсэн салбартаа олон жил үр бүтээлтэй ажилласныг нь өндөрөөр үнэлж, Монгол Улсын гавьяат багш, доктор профессор Ш.Чоймаа болон бусад эрхэмийг төрийн дээд одон медаль, цолоор шагналаа.
Мөн Онцгой байдлын ерөнхий газрын дарга, бригадын генерал Түвшингийн Бадралд хошууч генерал, БХЯ-ны Төрийн нарийн бичгийн дарга, хурандаа Халзанхүүгийн Батбилэгт бригадын генерал, Тагнуулын ерөнхий газрын Цэргийн тагнуулын газрын дарга, хурандаа Наваансүрэнгийн Ганболдод бригадын генерал цол тус тус хүртээв.