ӨМНӨ БА ДАРАА: Явган хүний замыг хааж, боосон 42 объектийг чөлөөлөөд байна
Явган хүний зорчих зам, талбайг хааж барьсан хашаа, хаалт өнөөдөр бидэнд тулгардаг өдөр тутмын төвөгтэй асуудлуудын нэг болоод байна. Энэ нь иргэдийн зорчих замд саад учруулаад зогсохгүй хотын өнгө үзэмжид ч сөргөөр нөлөөлж байгаа.
Үүнийг шийдвэрлэхээр жил бүр арга хэмжээ авдаг ч асуудал хэвээр байсаар байна. Энэ жилийн хувьд Нийслэлийн газрын албанаас орц, гарцыг хааж босгосон хашаа, хаалтыг буулгаж, чөлөөлөх ажлыг сарын өмнөөс эхлүүлээд байгаа юм. Энэ талаар сурважлахаар бид Нийслэлийн Газрын албаны орлогч дарга Д.Нямдаваатай уулзлаа.
Нийслэлийн төвийн зургаан дүүргийн 129 байршилд орц, гарц чөлөөлөх ажлыг зохион байгуулж байна. Өнөөдрийн байдлаар нийт 37 байршлын 42 объектийн газрыг чөлөөлөөд байгаа тухай тэрбээр хэлсэн юм.
Энэ талаар Д.Нямдаваа "Хэрэв зөвшөөрөлтэй бол эзэмшигчтэй нь хуулийн дагуу хэлэлцээр хийж байж чөлөөлөх, үгүйг шийдвэрлэнэ.
Харин зөвшөөрөлгүй бол мэдэгдэл өгч, мэдэгдэлд заасан хугацаанд чөлөөлөөгүй бол шууд албадан буулгах ажил хийгдэж байгаа.
Үүнээс гадна барилга баригдаж байх үеийн түр хашаа явган хүний замыг хаасан тохиолдолд барилгын ажил дууссан хойно замыг чөлөөлнө.
Барилгын ажил дуусаагүй байхад явган хүний замыг чөлөөлвөл осол гарах эрсдэл, аюултай учраас эхний ээлжинд барилгын ажлаа түргэвчлэх, өнгө үзэмжээ сайжруулах шаардлагыг тавина" гэв.
Нийслэлийн 31 байршил дахь орц, гарц чөлөөлөх ажлын харьцуулсан зургийг хүргэж байна.
Баянгол дүүргийн 5 дугаар хороо, “89/1” тоот байрны өргөтгөл “Сэлбэ Оюу” ХХК
Баянгол дүүргийн 18 дугаар хороо, “Таван-Эрдэнэ” хүнсний захын урд хэсэг
Баянгол дүүргийн 19 дүгээр хороо, 58 дугаар байрны зүүн хойд талд
Баянзүрх дүүргийн 1-р хороо 30-р байрны хойд талд
Баянзүрх дүүргийн 1-р хороо Голден вилл хотхоны хойд талд
Баянзүрх дүүргийн 4-р хороо 47-р байрны зүүн талд
Баянзүрх дүүргийн 6-р хороо Санхүү эдийн засгийн дээд сургуулийн замын урд талд
Баянзүрх дүүргийн 12-р хороо Нарантуул” худалдааны төвийн өргөтгөлийн урд
Баянзүрх дүүргийн 12-р хороо Нарантуулын урд талд
Баянзүрх дүүргийн 16-р хороо 41-р байрны хойд талд
Баянзүрх дүүргийн 16-р хороо 41-р байрны хойд талд
Баянзүрх дүүргийн 18-р хороо 14 дүгээр байрны урд
Баянзүрх дүүргийн 19-р хороо 5-р байрны хойд талд
Сонгинохайрхан дүүргийн 13 дугаар хороо, “8 дугаар байрны урд”
Сүхбаатар дүүргийн 1-р хороо, УБ март дэлгүүрийн урд
Сүхбаатар дүүргийн 2-р хороо, 2 ”б”-р байрны урд талд
Сүхбаатар дүүргийн 2-р хороо, 26-р байрны урд талд
Сүхбаатар дүүргийн 2-р хороо, 31 дүгээр сургуулийн баруун хойд талд
Сүхбаатар дүүргийн 2-р хорооны 2 ”б”-р байрны урд талд
Сүхбаатар дүүргийн 6-р хороо
Сүхбаатар дүүргийн 8-р хороо, МИУС-ийн ЭЗС-ийн баруун талд
Сүхбаатар дүүрэг, 7 дугаар хороо, Улаанбаатар чуулгын зүүн талд
Хан-Уул дүүрэг, 3 дугаар хороо, Эрэл ХХК-ний зүүн талд
Хан-Уул дүүрэг, 15 дугаар хороо, Цэлмэг хотхон
Чингэлтэй дүүргийн дугаар хороо “Чингэлтэй дүүргийн Нийгмийн халамж үйлчилгээний хэлтэсийн зүүн талын 40-р байр
Чингэлтэй дүүргийн 1 дүгээр хороо “Гутлын 22 ” СӨХ
Чингэлтэй дүүргийн 1 дүгээр хороо “Тагнуулын 50-р байрны урд талд”
Чингэлтэй дүүргийн 4 дугаар хороо “8/2 байрны зүүн талд барьсан хаалт”
Чингэлтэй дүүргийн 4 дугаар хороо “8/5 байрны зүүн талд”
Чингэлтэй дүүргийн 4 дугаар хороо “ЗГ-ийн байр “Тод товер”-н хооронд”
Баянгол дүүргийн 2 дугаар хороо, “Гранд плаза” дэлгүүрийн зүүн талд