Arslan.mn

ХӨСҮТ-ийн ерөнхий захирал Д.Нямхүү "Франц иргэнтэй нэгдүгээр хавьтал болсон 126 хүнээс халдвар илрээгүй.

Гуравдугаар сарын 10-нд 4 хүн ХӨСҮТ-д тусгаарлагдсан бөгөөд халдвар илрээгүй.

Гуравдугаар сарын 11-нд Багабаян амралтад 31, Бадрах Энержи кэмп-д 64, Дархан-Уул аймагт  нэг, Дорноговь аймагт 35, Хэнтий аймагт хоёр, Орхон аймагт 11, Хөвсгөл аймагт хоёр нийт 149 хүнийг ажиглалтад аваад байгаа.

Франц иргэний давтан нарийн шинжилгээг өнөө өглөө авлаа. Өвчтөн сэтгэл санааны хувьд тогтворгүй, “Франц хүн Монголд халдвар тараалаа” гэж шуугиж байгаа хэмээн сэтгэл зовж, дефресстэй байгаа. Сэтгэл санаа тавгүй байх нь дархлааг унагаадаг, эмчилгээний үр дүнд сөргөөр нөлөөлдөг. Энэ тал дээр нь сэтгэл судлаач эмч ажиллаж, зөвлөгөө өгч байна.

Манай эмчилгээ, үйлчилгээнд найдаж байгаа болон эмчдээ итгэж байгаагаа хэлсэн. Кэмп-т тусгаарласны дараа хот руу авчирч эмчлэх шийдвэр гаргах үед бухимдаж үл тоож байсан бол одоо эмчийн хандлагад эерэг харуи өгч байгаа нь сэтгэл санааг нь тогтворжуулж, эмчилгээнд эерэг нөлөөлнө.

126 хүнээс бусад түүний хавьтал бүхий иргэдийн шинжилгээ үргэлжилсээр байгаа." гэв.