Arslan.mn

Улсын онцгой комиссын шуурхай штабаас мэдээлж байна. 

Гуравдугаар сарын 3, 4, 5, 6-ны өдөр УДЭТ-т "Анна Каренина" жүжиг үзсэн 900 гаруй хүн байгаа аж.

Эрүүл мэндийн яамны ахлах шинжээч Д.Нарангэрэл "Өнөөдөр үдээс хойш Улсын драмын эрдмийн театрт үзвэр үйлчилгээтэй холбоотой халдварын 54 тохиолдол бүртгэгдсэн.

Үүнтэй холбоотойгоор гуравдугаар сарын 3, 4, 5, 6-ны өдөр УДЭТ-т Анна Каренина жүжиг үзсэн хүмүүс гуравдугаар сарын 9, 10-ны өдрүүдэд 09-17:00 цагийн хооронд УДЭТ-т очиж, шинжилгээнд хамрагдах боломжтой.

Эдгээр хүмүүсийг ийнхүү хоног тогтоож байгаа нь нууц үеийн хугацаа өнгөрч, өндөр магадлалтай гэсэн тархвар судлалын дагуу ийн хоног тогтоож байна. Сүүлийн үед үзвэр, үйлчилгээтэй холбоотой халдварын тохиолдол нэмэгдэж байна. Тухайлбал,  гуравдугаар сарын 3, 4, 5, 6-ны өдөр 900 гаруй хүн уг жүжгийг үзсэн бөгөөд одоогийн байдлаар 54 хүнд халдвар илэрч, тусгаарлагдаад байна. Уг театрт ажилладаг хүмүүс болон жүжиг үзсэн хүмүүсээс халдвар илэрсэн" гэв.