2017 оны 07-р сарын 20, Пүрэв гариг, 23 цаг 51 минут | Мобайл
Сүүлд шинэчлэгдсэн мэдээ: 5 цаг 45 минутийн өмнө
Мэдээ

ХАЙНЕКЕН, АПУ Монгол дахь шар айраг, архины бизнесээ нэгтгэнэ

ХАЙНЕКЕН, АПУ Монгол дахь шар айраг, архины бизнесээ нэгтгэнэ
 
ХАЙНЕКЕН компани Монгол улсад эрхэлж буй бизнесийн үйл ажиллагаагаа Шунхлай группын томоохон хувь эзэмшил бүхий, улсдаа тэргүүлэгч АПУ ХК-тай нэгтгэх гэрээ байгууллаа.

ХАЙНЕКЕН Монгол дахь архи, шар айрагны бизнес болох М-Би-Си-г Шунхлай Групптэй хамтран байгуулсан холдинг компани Эвэргрийн Инвэстмэнт ХХК-д нийлүүлэх замаар АПУ ХК-тай нэгтгэнэ.

Энэ ажиллагааны хүрээнд Шунхлай групп АПУ ХК-аас бусад өөрийн эзэмшлийн архи, шар айраг болон түгээлтийн бизнесийг Эвэргрийн Инвэстмэнт ХХК-д нэгтгэх ба энэ нэгдэн нийлэх ажиллагааны дараа АПУ ХК-д ХАЙНЕКЕН 25% эзэмшиж, Шунхлай групп том хувьцаа эзэмшигч байх болно.

Нэгдэх энэ үйл явц нь АПУ ХК-ийн хувь нийлүүлэгчдийн хурлаас дэмжсэн шийдвэр гарч, хуулийн дагуу бусад шаардлагатай зөвшөөрлийг авсны дараа хэрэгжих бөгөөд 2017 оны 4 дугаар улиралд эцэслэгдэх төлөвтэй байна.

Шунхлай группын ерөнхийлөгч П.Батсайхан хэлэхдээ

“Энэ хөрөнгө оруулалт бол Монгол улсын бизнесийн орчин, тэр дундаа Шунхлай Групп компанид гадаадын хөрөнгө оруулагчдын зүгээс өгч буй итгэл, үнэмшлийн илэрхийлэл юм.

Энэхүү хэлцэл, хамтын ажиллагаа нь дотоодын эдийн засагт эерэг нөлөө үзүүлж, Монгол улс даярх нийт хэрэглэгчдэд шилдэг, инновацилаг бүтээгдэхүүн, үйлчилгээ хүргэх боломжийг бүрдүүлнэ.

Үүнээс гадна, дэлхийн хэмжээний бизнес болох Найнекен компанитай түншилснээр АПУ ХК нь бүс нутгийн тоглогч, Монголын брэнд бүтээгдэхүүнийг Ази болон олон улсын бусад зах зээлд түгээгч болох хөгжлийн шинэ шатанд гарах юм” гэлээ.

Хайнекен Ази Номхон далайн бүсийн ерөнхийлөгч Франс Усман хэлэхдээ: 

"Монгол дахь манай үйл ажиллагааны стратегид энэ нэгдэн нийлэх үйл ажиллагаа маш том ахиц болж байна. ХАЙНЕКЕН-ы дэлхийн хэмжээний туршлагыг АПУ компанийн Монгол дахь бизнесийн мэдлэг туршлага болон түгээлтийн чадавхитай нийлүүлснээр шар айраг, архины бизнест өргөн боломжийг нээж өгч байгаа юм” гэлээ.

Дээрх гэрээ хэлцэлтэй холбоотойгоор АПУ ХК хувьцаа эзэмшигчдийн хурлаа зарлажээ.

АПУ ХК-ИЙН ХУВЬЦАА ЭЗЭМШИГЧДИЙН ЭЭЛЖИТ БУС ХУРАЛ


АПУ ХК-ийн хувьцаа эзэмшигчдийн ээлжит бус хурал 2017 оны 08-р сарын 18-ны өдрийн 14:00 цагт Улаанбаатар хот, Хан-Уул дүүрэг, 2-р хороо, Чингисийн өргөн чөлөө, Хан-Уул дүүргийн Соёлын ордонд болно.

Хуралд оролцох эрхтэй хувьцаа эзэмшигчдийг бүртгэх өдөр: 2017 оны 07 дугаар сарын 25-ны өдөр.

Хурлаар хэлэлцэх асуудлын жагсаалт:

  • АПУ ХК-ийг тусгаарлах замаар өөрчлөн байгуулах, шинээр охин компани үүсгэн байгуулахыг зөвшөөрөх тухай;
  • АПУ ХК-д Эвэргрийн Инвестментс ХХК-ийг нэгтгэх замаар өөрчлөн байгуулахыг зөвшөөрөх, нэгтгэх замаар өөрчлөн байгуулах төсөл, нэгтгэх гэрээг батлах тухай;
  • АПУ ХК-д Эвэргрийн Инвестментс ХХК-ийг нэгтгэхтэй холбогдуулан хаалттай хүрээнд нэмж хувьцаа гаргах тухай;
  • АПУ ХК-д Эвэргрийн Инвестментс ХХК-ийг нэгтгэхтэй холбогдуулан хаалттай хүрээнд нэмж гаргах хувьцаанаас тэргүүн ээлжинд худалдан авах эрхийг эдлүүлэхгүй байх тухай;
  • АПУ ХК-ийн Дүрмийн нэмэлт, өөрчлөлтийг батлах тухай;

Нэгтгэх замаар өөрчлөн байгуулах, хаалттай хүрээнд хувьцаа нэмж гаргах болон тэдгээртэй холбоотой бусад асуудалд их хэмжээний болон сонирхлын зөрчилтэй хэлцлийн журам үйлчилнэ.

Хурлын хэлэлцэх асуудлаар санал авах саналын хуудсыг хүлээн авах сүүлчийн хугацаа 2017 оны 08 дугаар сарын 18-ны өдрийн 1400 цагт байна

Хурлаас гарах шийдвэрийн төсөл, түүнтэй холбогдох баримт бичигтэй танилцах журам, газар, ажиллах цаг:

Хурлын материал, гарах шийдвэрийн төсөл болон холбогдох баримт бичигтэй 2017 оны 7 дугаар сарын 10-ны өдрөөс 2017 оны 8 дугаар сарын 17-ны өдрийн хооронд ажлын өдрүүдэд 9:00-17:00 цагийн хооронд АПУ ХК-ийн байранд хурал зохион байгуулах комисстой холбогдон танилцах боломжтой.

Хурал зохион байгууллах комиссын дарга, гишүүдийн утас, электрон шуудангийн хаяг:

Хурал зохион байгуулах комиссын дарга: Х.Батжаргал – batjargal@apu.mn 344837

Хурал зохион байгуулах гишүүд: Ч.Ариунсан – ariunsan@apu.mn 344837-315, Б.Эрдэнэтуяа – erdenetuya@apu.mn 344837-312, Э.Солонго – solongo.e@apu.mn – 344837-322

Хурлаас гарах шийдвэрийн төслийг www.apu.mn цахим хуудаснаас дэлгэрэнгүй үзнэ үү.

 

Эх сурвалж: АПУ.мн



Та энэ мэдээнд ямар үнэлгээ өгөх вэ?

ЗӨВ Like an arslan post
ТААЛАГДЛАА Like an arslan post
ХАХА! Like an arslan post
ГАЙХАЛТАЙ Like an arslan post
ХАРАМСАЛТАЙ Like an arslan post
БУРУУ Like an arslan post


Энэ мэдээ танд таалагдаж байвал LIKE хийгээрэй. Танд баярлалаа.


Манай сайт танд таалагдаж байвал LIKE хийгээрэй. Танд баярлалаа.
  • 07-р сарын 16
  • 0 Сэтгэгдэл
  • |
Сэтгэгдэл бичих

Анхааруулга

Уншигчдын бичсэн сэтгэгдэлд Arslan.mn хариуцлага хүлээхгүй болно.

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

  • Аливаа зүйлд санал, үзэл бодлоо илэрхийлэх эрх нь ардчилсан чөлөөт нийгэм хэдий ч өөрийн эрх нь бусдын эрх ашгаар хязгаарлагдаж байдаг тул Та бусдад хүндэтгэлтэй хандаж, зөвхөн нийтлэлтэй холбоотой санал сэтгэгдэл бичнэ үү.
Сэтгэгдэл:
0 - 200
Нийт Сэтгэгдэл (0)