COVID-19 7 хоногийн тойм -22°C 2639.86 ₮
03 сарын 29, Баасан
Өнөөдөр

Arslan.mn

Олон улсын санхүүгийн корпораци өнгөрсөн онд 19 тэрбум ам.долларын урт хугацаатай хөрөнгө оруулалт хийжээ

2017 оны 7 сарын 20

Монгол Улсын сайд, Засгийн газрын Хэрэг эрхлэх газрын дарга Ж.Мөнхбат, Дэлхийн банк группын гишүүн байгууллага болох Олон улсын санхүүгийн корпорацийн Монгол дахь Суурин төлөөлөгч Туен Нуген нар өчигдөр буюу 2017.07.19-ны өдөр Харилцан ойлголцлын Санамж бичигт гарын үсэг зурлаа.

Энэ нь хөрөнгө оруулалтын бодлогыг сайжруулах, эдийн засгийг төрөлжүүлэх, хөрөнгө оруулагчдын итгэлийг сэргээн улмаар хөрөнгө оруулалт татах зорилготой юм.

Засгийн газар Хөрөнгө оруулагчдын эрх ашгийг хамгаалах зөвлөл байгуулж хөрөнгө оруулалтын тогтвортой бодлого, хөрөнгө оруулалтыг хамгаалах, гомдлыг нь хүлээн авч шуурхай шийдвэрлэх чиглэлээр ажиллаж эхэлснээс хойш үр дүн гарч байгааг Зөвлөлийн тэргүүн Ж.Мөнхбат тэмдэглэв.

Тухайлбал өнгөрсөн жил хасах хувьтай гарч байсан эдийн засаг энэ оны эхний хагас жилийн байдлаар 4 орчим хувиар өсч, сүүлийн хэдэн жилд анх удаа төсвийн орлого 500 тэрбум төгрөгөөр давж биелсэн, бонд гаргахад нэг тэрбум ам.долларын санал ирсэн зэрэг нь хөрөнгө оруулагчид Засгийн газраас авч хэрэгжүүлж байгаа ажлыг дэмжиж, итгэл нь сэргэсэнтэй холбоотой гэлээ.

Монгол Улсад суугаа гадаадын Дипломат төлөөлөгчийн газрын 20 гаруй тэргүүнтэй уулзаж хөрөнгө оруулалттай холбоотой асуудлаар ойрын үед албан бус уулзалт хийх гэж байгаагаа Ж.Мөнхбат мөн дурдлаа.

Монгол Улсын Засгийн газар дэлхийн банк, олон улсын банк, санхүүгийн байгууллагатай хамтарч эдийн засгаа сэргээх чиглэлээр зоригтой арга хэмжээ авч үр дүнд хүрч байна. Үүнд Хөрөнгө оруулагчдын эрх ашгийг хамгаалах зөвлөлийн гүйцэтгэж байгаа үүрэг чухал хувь нэмэр оруулж байгааг Олон улсын санхүүгийн корпорацийн Монгол дахь суурин төлөөлөгч Туен Нуген  тэмдэглэв. Мөн цаашид эдийн засгаа тогтворжуулж, хөрөнгө оруулалтыг илүү их татна гэдэгт итгэлтэй байгаагаа илэрхийлэв.

Монгол Улс Хөрөнгө оруулагчдын эрх ашгийг хамгаалах зөвлөл байгуулан ажиллаж, үр дүнд хүрч байгаа нь бусад улс оронд үлгэр дууриал болсон гэдэгт санал нэгдлээ. Дэлхийн банктай хамтран Олон улсын форум зохион байгуулж, хийж байгаа ажлаа танилцуулан туршлагаасаа хуваалцах, тэдэнтэй хэрхэн хамтран ажиллах талаар мөн санал солилцов.

Олон улсын санхүүгийн корпораци нь хөгжиж байгаа зах зээл, улс орны хувийн хэвшилтэй хамтран ажилладаг бөгөөд өнгөрсөн онд 19 тэрбум ам.долларын урт хугацаатай хөрөнгө оруулалт хийжээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
45139
0 эможи
keyboard_arrow_up