Arslan.mn

АНУ-ын Ерөнхийлөгч Доналд Трамп, БНАСАУ-ын удирдагч Ким Жон Ун нарын уулзалтыг сурвалжлахаар дэлхийн өнцөг булан бүрээс 3000 гаруй сурвалжлагч Сингапурын Сентоза аралд иржээ. Гэвч тэднээс ердөө долоохон сурвалжлагч уг үйл явдлыг бодитоор сурвалжилж чадсан талаар Politico мэдээллээ. Тэд бүгд АНУ-ын сэтгүүлчид байсан гэнэ.

Үлдсэн сэтгүүлчдийг агуулахын өрөөнд оруулж, домогт уулзалтыг шууд дамжуулсан телевизээр л үйл явдлыг үзэх, зураг авах боломж олгожээ. 

Дээд хэмжээний уулзалт болохоос долоо хоногийн өмнө Цагаан ордны хэвлэлийн нарийн бичгийн дарга Сара Сандерс одоо болтол квотоо гаргаагүй байна гэж мэдэгдэж байсан нь үүнтэй холбоотой аж.