Arslan.mn

Хонгконгчууд ням гарагт жагсаж, үндсэн таван шаардлагаа дахин тавилаа. Энэ удаагийн жагсаал өмнөх 14 долоо хоногт болсон жагсаалаас илүү хурцадсан байна.

Жагсагчид метроны буудлуудад гал тавьж, Засгийн газрын байр руу шатахуунтай тэсрэх бөмбөг шиджээ. Харин цагдаа нар цугласан олныг тараахын тулд нулимс асгаруулагч хий, даралттай ус, будаг ашигласан байна.

15 долоо хоног болсон Хонгконгийн жагсаал эдийн засагт нь сөргөөр нөлөөлж эхэлсэн бөгөөд наймдугаар сард Хонгконгийн Олон улсын нисэх буудлаар зургаан сая хүн үйлчлүүлсэн нь өмнөх оноос 12.4 хувиар буурсан үзүүлэлт болсон байна.