Малчид амины орон сууцны 8 хувийн зээлд хамрагдах боломжтой боллоо

Монголбанк "Орон сууцны санхүүжилтийн журам"-даа нэмэлт, өөрчлөлт оруулж хөдөө орон нутгийн иргэд, малчдыг амины орон сууцны найман хувийн хүүтэй зээлд хамрагдах боломжтой болгожээ. Тус зээлийг авч буй малчдын амины орон сууцны талбайн хэмжээнд ямар нэгэн хязгаарлалт тавиагүй байна.

Орон нутагт амины орон сууцны зээлийн хөтөлбөр хэрэгжихээр болсон нь төвлөрлийг сааруулах, дэд бүтцийг өргөжүүлэх, орон нутгийн хөгжлийг нэмэгдүүлэхэд дэм болсон чухал шийдвэр гэж үзэж байгаа аж.

Өнгөрсөн оны зургадугаар сараас хэрэгжиж эхэлсэн орон сууцны зээлийг одоогоор 61 мянган иргэн авчээ.

Мэдээнд өгөх таны үнэлгээ?