5.5 тэрбум төгрөгийн ЗГҮЦ арилжигдлаа

Монголын хөрөнгийн биржийн 2014 оны 11 сарын 18-ны өдрийн анхдагч зах зээлийн арилжаагаар 12 долоо хоногийн хугацаатай, жилийн 15.99 хувийн өгөөжтэй, 5 533 700 000 төгрөгийн үнийн дүнтэй нийт 55,337 ширхэг ЗГҮЦ худалдан авах захиалга ирсэн бөгөөд Сангийн яамны зүгээс 100% нийлүүлэлтийг баталгаажууллаа. Энэхүү арилжаанд МХБ-ийн гишүүн үнэт цаасны компаниуд дараах байдлаар оролцсон байна. Үүнд:

№	Үнэт цаасны компанийн нэр	Тоо ширхэг
1	Голомт секюритиз	41 781
2	БиДиСек	5 528
3	Ти Ди Би Капитал	4 185
4	Тэнгэр капитал	2 072
5	Стандарт инвестмент	621
6	Эм Ай Би Жи	566
7	Монет капитал	300
8	Булган брокер	156
9	Гацуурт трейд	123
10	Евроази капитал холдинг	5
Нийт		55 337

Засгийн газрын үнэт цаасны дараагийн арилжааны захиалгыг 2014 оны 11 сарын 19-ний өдрөөс эхлэн авч эхлэх ба захиалга авах эцсийн хугацаа нь 2014 оны 11 сарын 25-ны өдөр дуусна. Энэхүү арилжаагаар 28 долоо хоногийн хугацаатай ЗГҮЦ арилжих юм. Зах зээлийн эрэлт нийлүүлэлттэй уялдуулан Засгийн газрын үнэт цаасны хоёрдогч зах зээлийн арилжааг ойрын хугацаанд нээх болно.

Мэдээллийн алба

МОНГОЛЫН ХӨРӨНГИЙН БИРЖ

Мэдээнд өгөх таны үнэлгээ?