Arslan.mn

Монголбанк оны эхний дөрвөн сард 1979 килограмм алт худалдан авсан байна. Энэ нь өнгөрсөн жилийн мөн үетэй харьцуулахад 26.8 хувиар өссөн үзүүлэлт юм. Харин энэ нь 2012 оны эхний дөрвөн сартай харьцуулахад бараг  дөрөв дахин өссөн гэсэн үг аж.  Үүнийг Ашигт малтмалын тухай хуульд өөрчлөлт оруулж, Монгол банкинд тушаасан алтны роялтийг 2.5% болгон бууруулсны үр дүн гэж мэргэжилтнүүд ярьж байна. Стастистикийн мэдээгээр Монгол Улс 2014 оны эхний дөрвөн сард алтны экспортоос 89.8 сая долларын орлого олсон байна.