Arslan.mn

Монголбанкнаас “Төрөөс мөнгөний бодлогын талаар 2020 онд баримтлах Үндсэн чиглэл”-ийг олон нийтэд танилцуулж хэлэлцүүлэх гэж байна.

Ирэх даваа гарагт буюу 10-р сарын 21-нд “Блью Скай” зочид буудалд болох танилцуулах хэлэлцүүлэгт Монголбанкны дэд ерөнхийлөгч Б.Лхагвасүрэн, Эдийн засгийн судалгаа, сургалтын хүрэээлэнгийн захирал, эдийн засагч С.Дэмбэрэл, Монголбанкны ерөнхий эдийн засагч Д.Ган-Очир, Мөнгөний бодлогын газрын захирал Б.Баярдаваа нар оролцож манай улсын мөнгө, санхүү, зээл, хөрөнгө оруулалт, эдийн засгийн төлөв байдлыг танилцуулж, мөнгөний бодлогын үндсэн чиглэлийн талаар хэлэлцүүлэх аж.

Өмнөх уулзалтаар өнгөрсөн оны мөнгөний бодлогын хэрэгжилтийг авч хэлэлцэн, эдийн засагт тулгарч буй сорилтын талаар илтгэл тавьж, оролцогч ААН-үүдийн удирдлага, төлөөллийн санал хүсэлтийг сонсаж, санал асуулга явуулсан юм.