Arslan.mn

“Гадаад валютын нөөц“ сэдэвт хурлыг Монголбанкнаас санаачлан өнөөдөр зохион байгуулж байна.

Уг хурал нь Гадаад валютын албан нөөцийн хүрэлцээ болон эдийн засгийн гадаад эрсдэл, Гадаад валютын нөөцийг нэмэгдүүлэх боломж, тулгарч буй саад бэрхшээл хэмээх үндсэн хоёр хэсэг бүхий салбар хуралдаантай хуралдлаа.

Хуралдаан тус бүрээр "Гадаад валютын нөөцийн хүрэлцээ", "Эдийн засгийн гадаад эрсдэл", "Монгол улсын макро эдийн засгийн эмзэг байдал, түүнийг бууруулах нь", "Таван толгойн төслийн бүтээн байгуулалт" гэсэн итгэлүүд тавигдаж хэлэлцүүлэгдлээ. Итгэлийг Монголбанк болон судлаач эдийн засагчдын зүгээс танилцууллаа.

Манай улсын эдийн засгийн суурь үзүүлэлтүүд сайжирч байгаа хэдий ч дунд хугацаанд Монгол улсын эдийн засагт томоохон сорилтууд тулгарсан хэвээр байна. Гадаад зах зээлийн тогтворгүй байдал, гадаад өрийн эргэн төлөлтийн дарамт нэмэгдэж байгаа өнөөгийн нөхцөлд эрсдлийн даван туулах бэлтгэлийг хангах үүднээс олон ажлыг цаг алдалгүй авч хэрэгжүүлэх учиртай. Үүний нэг том ажил нь валютын нөөцийг цаашид нэмэгдүүлэх явдал юм.

Иймд Монголбанкны Ерөнхийлөгчийн санаачилгаар "Гадаад валютын нөөц" сэдэвт хурлыг зохион байгуулж байгаа бөгөөд гадаад валютын орлоготой томоохон компаниудын төлөөлөл / уул уурхай, ноолуур, авто тээвэр/, арилжааны банкууд, эдийн засгийн судалгааны байгууллагууд, их дээд сургуулийн эрдэмтэн судлаачид болон холбогдох яам, агентлагын эрх бүхий албан тушаалтнууд оролцож байна.

ШУУД ҮЗЭХ: