Arslan.mn

Сүүлийн үед Төрийн банкнаас олон төрлийн шинэ бүтээгдэхүүн үйлчилгээ нэвтрүүлж байгаа аж. Энэ талаар Төрийн банкны Бизнес хариуцсан дэд захирал Д.Сугараас дараах мэдээллийг авлаа.

-Энэ онд Төрийн банк шинээр ямар бүтээгдэхүүн үйлчилгээ нэвтрүүлсэн бэ? талаар яриагаа эхлэх үү?

-Төрийн Банкны хувьд олон улсын стандартад нийцсэн орчин үеийн банк, санхүүгийн цогц үйлчилгээг орон даяар саадгүй хүргэх, нийгмийн дундаж давхаргыг тэлэхэд чиглэсэн өрх, гэр бүлд ээлттэй банк байх зорилгоор харилцагчдынхаа санхүүгийн олон талт хэрэгцээг хангахад чиглэн Монгол орон даяар 500 гаруй салбар нэгж, 350 АТМ, 4000 гаруй картаар үйлчлэгч байгууллагаар дамжуулан үндэсний хэмжээнд үйл ажиллагаагаа явуулдаг.

Бид харилцагчийнхаа бизнесийн үйл ажиллагааг дэмжих, тогтвортой санхүүжилтийн зарчмуудыг хэрэгжүүлэх ажлын хүрээнд Эрчим хүчний хэмнэлттэй амины орон сууц, Тээврийн бизнесийн, Үл хөдлөх хөрөнгө худалдан авах зээлийн бүтээгдэхүүнийг тус тус зах зээлд шинээр нэвтрүүллээ.

Мөн залуу үедээ санхүүгийн боловсрол олгож, зөв дадал суулгах зорилгоор 17-29 насны залууст зориулсан олон төрлийн хөнгөлөлт, урамшуулалт бүхий “Z карт”-ыг зах зээлд нэвтрүүлсэн. Түүнчлэн, Зайнаас данс нээх үйлчилгээ, Corporate gateway үйлчилгээг шинээр нэвтрүүлж, E-Mongolia портал сайтанд Гялсбанкны эрхээр нэвтрэх, ДАН систем ашиглан Гялсбанк үйлчилгээнд бүртгүүлэх, мэдээлэл шинэчлэх, Төрийн банкны цахим теллер үйлчилгээ буюу Киоск төхөөрөмжийг ашиглан хэрэглээний төлбөр, татвар, нийгмийн даатгал болон авто тээврийн үндэсний төвийн төлбөрийг бүх банкны карт, интернэт банкаар төлөх боломжтой болоод байна.

-Залууст зориулсан “Z карт”-ынха талаар дэлгэрэнгүй мэдээлэл өгч болох уу?

-Төрийн банкнаас зах зээлд шинээр нэвтрүүлсэн “Z карт” нь дотоодын болон олон улсын төлбөр тооцоонд ашиглагдах VISA карт юм. Бид энэхүү картаар дамжуулан залуучууддаа санхүүгийн зөв дадал суулгах зорилгоор зөвхөн 17-29 насны харилцагчдадаа санал болгож байгаа. Тус картын давуу талын хувьд нууцлал, аюулгүй байдлын олон улсын стандартад нийцсэн EMV чип, payWave зайнаас унших технологи бүхий төгрөг болон ам.долларын сонголттой дебит карт юм.

Хөнгөлөлт урамшууллын хувьд Гэнэтийн ослын даатгал болон Гялсбанк үйлчилгээний эхний жилийн хураамжаас чөлөөлж байгаа төдийгүй Төрийн банкны АТМ-с бэлэн мөнгө авахад шимтгэлгүй, хүссэн газраа төлбөргүй хүргүүлэн авах боломжтой.Төрийн банкнаас оюунлаг залуусаа дэмжих ажлыг 2014 оноос хойш тогтмол хийж байгаа бөгөөд энэ жилийн хувьд Элсэлтийн Ерөнхий шалгалтандаа хамгийн өндөр оноо авсан эхний 100 хүүхдэд тодорхой хэмжээний мөнгөн урамшууллын хамт “Z Карт”-аа үнэ төлбөргүй олгохоор болсон.

-Эрчим хүчний хэмнэлттэй амины орон сууц, Тээврийн бизнесийн зээл бүтээгдэхүүнээ тодруулж болох уу?

-Төрийн банкнаас агаарын бохирдлыг бууруулах, байгаль ээлтэй бизнесийн дэмжиж, ногоон зээлийн бүтээгдэхүүний нэр төрлийг нэмэгдүүлэх зорилгоо сарын 1 хувийн хүү, 180 хүртэл сарын хугацаатай, 100 хүртэл сая төгрөгийн Эрчим хүчний хэмнэлттэй амины орон сууц худалдан авах болон бариулах зээлийг 20 хувийн урьдчилгаа төлбөрийн нөхцөлтэйгээр гаргаад байна. Тээврийн бизнесийн зээлийн хувьд Тээврийн бизнесийн үйл ажиллагаа эрхлэгч аж ахуй нэгж, иргэн нь бизнесийн үйл ажиллагаа өргөжүүлэх зорилгоор шинээр автомашин худалдан авах, хуучин автомашинаа шинэчлэх, өргөжүүлэхэд зориулж Монгол Улсад импортоор орж ирсэн гаалийн бичигтэй автомашин худалдан авахад зориулан 60 хүртэл сарын хугацаатай,  сарын 1.4-1.5 хувийн хүүтэй 150 сая төгрөг хүртэлх зээлийг санал болгож байна. Мөн Үл хөдлөх хөрөнгө худалдан авах зээлийг иргэн, аж ахуй нэгжүүдэд зориулан санал болгож байна.

Мөн энэ онд бид нийт 26 нэр төрлийн зээлийн бүтээгдэхүүний жилийн хүүгээ 1.2%-4.8%-иар бууруулан харилцагчдад таатай нөхцөлийг бүрдүүлэн ажилласан.Төрийн банкнаас цаашид ямар төрлийн шинэ бүтээгдэхүүн үйлчилгээ нэвтрүүлэхээр төлөвлөж байгаа вэ?Тун удахгүй 21 аймгийн үзэсгэлэнт байгалийн зурагтай Миний Монгол картыг харилцагчдадаа санал болгохоор ажиллаж байна. Тус картын хураамжийн орлогоос тодорхой хэсгийг тухайн аймгийн байгаль хамгаалах ажилд зориулахаар төлөвлөж байна.

Мөн Монгол Улсын Засгийн газраас авч хэрэгжүүлж буй бодлого арга хэмжээ, “Алсын хараа 2050” Монгол Улсын хөгжлийн бодлогын хүрээнд дундаж давхаргыг дэмжих, бойжуулахад чиглэсэн банкны үйлчилгээг хөгжүүлэн ажиллана.

-Баярлалаа. Та бүхний ажилд амжилт хүсье!