Arslan.mn

Монголчуудын өргөн дэлгэр тэмдэглэдэг баяр болох цагаан сар иргэдийн халаасанд их ачаалал өгдөг болоод удаж буй. 

Тэгвэл өчигдөр Цагаан сарын баярын үеэрх хэрэглээний статистик мэдээллийг ҮСХ-ноос танилцууллаа. Энэ үеэр ҮСХ-ны Өрхөд суурилсан судалгааны хэлтсийн дарга М.Оюунцэцэг "Сар шинийн баяраар улсын хэмжээнд ойролцоогоор зах зээлд 1.2 их наяд төгрөгийг зарцуулж байна. Үүний 46 хувь нь импортын бараа бүтээгдэхүүнээс бүрдэж байна. Өөрөөр хэлбэл, 548 тэрбум төгрөг гадагш гарч байна. Энэ нь бэлэг бэлт, импортын хүнсний бүтээгдэхүүний зардалд зарцуулагдсан гэх тооцоолол бий" гэсэн юм.

Энэ үеэр иргэдийн худалдан авалт ихэсдэгийн  зэрэгцээ бараа бүтээгдэхүүний үнэ огцом өсдөг. Тиймээс ч   цагаан сарын баяртай холбогдуулж арилжааны банкнуудаас зээл авах  иргэдийн урт дараалал ч үүсэж эхэлжээ. Ялангуяа ахмад настан баяраа тэмдэглэн өнгөрүүлэх үүднээс тэтгэврийн зээл их хэмжээний дүнгээр авдаг байна.  Тодруулбал, зарим арилжааны банкны өгсөн мэдээллээр тэтгэврийн зээл авах хамгийн өсөлттэй сар нь 1, 2 дугаар сар байдаг аж.