Arslan.mn

Нэмэгдсэн өртгийн албан татварын тухай хуулийн дагуу иргэд 2016 оноос худалдан авалт болон үйлчилгээ авсан баримтаа бүртгүүлснээр сар бүр сугалаанд оролцох болсон. Үүнээс гадна иргэн та бүх төрлийн төлбөртэй үйлчилгээнээс баримт авах боломжтой аж.

Иргэдийн хамгийн түгээмэл авдаг үйлчилгээ болох зээлийн үйлчилгээгээр жишээ авч тайлбарлавал, иргэн та банк, санхүүгийн байгууллагаас авсан зээлийн үйлчилгээний төлбөрт хүү төлдөг. Гэхдээ хүүгийн төлбөртөө баримт авч болох аж. Харин банк, санхүүгийн үйлчилгээ НӨАТ-аас чөлөөлөгддөг учир буцаан олголт бодогдохгүй бөгөөд зөвхөн НӨАТ-ын сугалаанд оролцох эрхтэй төлбөрийн баримт олгогдоно.

Мөн лизингийн төлбөр төлдөг бол баримт авч, НӨАТ-ын сугалаанд оролцох боломжтой гэж холбогдох байгууллагаас тайлбарлалаа.