Arslan.mn

Хэрэглээний бараа, үйлчилгээний үнэ 2022 оны 2 дугаар сард улсын хэмжээнд 14.2 хувь, өмнөх оны эцсээс 3.1 хувь, өмнөх сараас 1.1 хувиар өссөн байна.

Мөн төвийн бүсэд 2022 оны 2 дугаар сард хүнсний бүлгийн үнэ өмнөх оны мөн үеэс 17.6 хувиар, Улаанбаатар хотод хүнсний бус бүлгийн үнэ 14.7 хувиар тус тус өссөн нь хамгийн өндөр байна.

Хэрэглээний бараа, үйлчилгээний үнэ 2022 оны 2 дугаар сард өмнөх оны мөн үеэс 14.2 хувиар өсөхөд

• Хүнсний бараа, ундаа, усны бүлгийн үнэ 18 хувь
• Мах, махан бүтээгдэхүүн 16.6 хувь,
• Согтууруулах бус ундааны дэд бүлгийн үнэ 15.9 хувь,
• Согтууруулах ундаа, тамхины бүлгийн үнэ 7.5 хувь,
• Хувцас, бөс бараа, гутлын бүлгийн үнэ 11.1 хувь,
• орон сууц, ус, цахилгаан, хийн болон бусад түлшний бүлгийн үнэ 15.0 хувь,
• Эм тариа, эмнэлгийн үйлчилгээний бүлгийн үнэ 13.1 хувь,
• Тээврийн бүлгийн үнэ 21.5 хувиар тус тус өссөн нь голлон нөлөөлсөн байна.

Харин хэрэглээний бараа, үйлчилгээний үнэ 2022 оны 2 дугаар сард өмнөх сараас 1.1 хувиар өсөхөд хүнсний бараа, ундаа, усны бүлгийн үнэ 1.1 хувь, хувцас, бөс бараа, гутлын бүлгийн үнэ 1.3 хувь, эм тариа, эмнэлгийн үйлчилгээний бүлгийн үнэ 3.3 хувиар тус тус өссөн нь голлон нөлөөлсөн байна.