Дэлхийн банк Монголд ажиллах шинэ суурин төлөөлөгчөө томиллоо

Дэлхийн банк Монгол Улсад ажиллах суурин төлөөлөгчөөр ноён Жэймс Андерсоныг томилжээ. Тэрээр ирэх долоо хоногоос ажилдаа орох юм байна. Шинэ суурин төлөөлөгч АНУ-ын харьяат аж. Дэлхийн банкинд 1997 оноос хойш ажиллажээ. Өмнө нь Вьетнамын Ханой хотноо засаглалын асуудал эрхэлсэн ахлах мэргэжилтэн, 1998-2008 онуудад Дэлхийн банкны Европ, Төв Азийн бүсийн албанд ажиллаж байжээ.

Жэймс Андерсон тун удахгүй Эдийн засгийн хөгжлийн сайд, Сангийн сайд нарт бараалхаж танилцах уулзалт хийх төлөвлөгөөтэй байгаа гэнэ.

Мэдээнд өгөх таны үнэлгээ?