Нэмэгдэл хоолыг эхний өдөр хөхөө хөхүүлсэний дараагаар 2-3 жижиг халбагыг өгч, дараагийн өдөр 5-6 халбага болгон өдөр өдрөөр нэмэгдүүлсээр хүүхдийн идэх хэмжээнд хүртэл өгнө. Тухайн хоолондоо дассаны дараагаагаар өөр шинэ хоолыг хийж өгнө.

Ихэнх хүүхэд хоолонд орохдоо дургүй байдаг.
Хүүхдийг анх хоолонд оруулахад тийм ч дуртай биш байдаг. Үүнээс болж эцэг эчүүд аль болох хүүхдийнхээ анхаарал татахуйц хооллодог. Зарим үед бүр дагаж явж зогсоогоор нь хооллох үе бий. Гэхдээ энэ их буруу юм. Хүүхдийг аль болох тохирсон сандал ширээнд суулгаж халбага сэрээг нь зөв бариулж хооллох хэрэгтэй. Энэ нь хүүхдийг хоолондоо анхаарал хандуулж идэх идэвхийг нэмэгдүүлдэг.
Хүүхэд хоолонд дургүй болох бас нэг шалтгаан нь хүүхдэд чихэрлэг зүйлс ихээр өгөх явдал. Чихэрлэг зүйл нь цадах мэдрэмж ихээр төрүүлдэг тул хүүхэд хоол идэх дур хүсэлгүй болно. Тиймээс та хүүхэддээ чихэрлэг зүйл өгөхөөс татгалзаж байвал таны хүүхэд хоолонд дуртай байх болно.