Arslan.mn

Өнгөрсөн жилийн аравдугаар сард үзэгчдийн хүртээл болж, албан ёсоор нээлтээ хийсэн "Шар гэгээ" уран сайхны кино олон улсын наадмаас тав дахь шагналаа хүртжээ. 

Тодруулбал, Австралийн Перт хотноо зохион байгуулсан олон улсын кино наадмын "Шилдэг кино" шагналыг "Шар гэгээ" уран сайхны кино хүртжээ. Найруулагч Б.Батдэлгэрийн бүтээл, Төрийн шагналт, Соёлын гавьяат зүтгэлтэн Ш.Гүрбазарын зохиолоос сэдэвлэсэн тус дэлгэцийн бүтээл 15 дахь удаагийн "Улаанбаатар” олон улсын кино наадмын шилдэг гурван төрөлд шалгарч, "Хангарьд" цомын эзэн болохоос гадна “Мөнгөн мод” наадмын шилдэг кино урлагийн бүтээл шагналыг хүртсэн байдаг.