Мэргэжлийн урлагийн ууган байгууллаг Улсын Драын Эрдмийн Театрын хамт олон 2010 онд зохиож байсан В.Крансногоровын долоон жүжгийн үргэлжлэл болгон 2014 оны 04 сарын 09-нөөс эхлэн Бэсрэг жүжгийн төслийг хэрэгжүүлэж байгаа бөгөөд энэхүү төслийн хүрээнд бид бүгдийн бахархал болсон долоон найруулагчийн долоон жүжиг хамрагдсан юм. Үүнд:

1. А.Очирбат-“Буруугүй буруутан” УДЭТ-ын Найруулагч УГЗ Б.Баатар, Зураач С.Ариунболд
2. Люсиль Флетчер- Уучлаарай та дугаар андуурч- УДЭТ-ын Найруулагч СТА Ч.Түвшин, Зураач н.Баярмагнай
3. А.Ванпилов – Хэрээт төгөл – Найруулагч УГЗ, Ардын жүжигчин Б.Мөнхдорж, Зураач СТА Т.Аянга
4. Г.Пинтер- Өчигдөр Найруулагч: УДЭТ-ын Ерөнхий найруулагч Төрийн соёрхолт Н.Наранбаатар, Зураач УДЭТ-ын Ерөнхий зураач СТА Т.Ганхуяг
5. Н.Ганхуяг – Бүүвэй – Найруулагч Урлаг судлалын ухааны доктор, профессор, УГЗ Н.Ганхуяг, Зураач Баярмагнай
6. Дарио Фо- Чөлөөт хос- УДЭТ-ын Найруулагч УГЗ Ч.Найдандорж , Зураач С.Ариунболд
7. Николай Коляда- Манекен- Найруулагч Ц.Батнайрамдал, Зураач Чулуунбат гэх долоон найруулагчийн долоон өөр шийдэл, долоон өөр сэтгэмж, долоон өөр өнгө дүр төрх, Долоон өөр Ертөнц-өөр Улсын Драмын Эрдмийн Театрын хамт олон үзэгч түмэндээ бэлэг барих гэж байна.

Энэхүү 7-н жүжгийн салхийг хаглаж найруулагч Ардын жүжигчин Б.Мөнхдоржийн “Хэрээт төгөл” эмэгнэлт, инээдмийн жүжиг 2014 оны 04 сарын 09-нөөс эхлэн тоглогдох гэж байгаа бөгөөд үргэлжлүүлэн 04 сарын 23-нд Найруулагч Н.Ганхуяг “Бүүвэй”, 04 сарын 30-нд Найруулагч Ч.Түвшин “Уучлаарай та дугаар андуурч” жүжгүүд тус тус тоглогох гэж байна.

ДРАМЫН УРЛАГИЙГ ЭРХЭМЛЭН ДЭЭДЛЭГЧ ОЮУНЛАГ МОНГОЛЧУУДДАА ЗОРИУЛАВ.

УЛСЫН ДРАМЫН ЭРДМИЙН ТЕАТР