Arslan.mn

ОУОХ, НҮБ-аас хамтран зарласан Спортын олон улсын өдрийг Монголд анх удаа дөрөвдүгээр сарын 6-нд тэмдэглэхээр боллоо. Энэ өдөр спортын бүх шатны, бүх төрлийн байгууллага, тамирчид нэг дор цуглаж, спортын өдрийг хамт тэмдэглэх юм.

"Спорт-хөгжил-энхтайван” уриатай спортын олон улсын өдрийг жил бүрийн дөрөвдүгээр сарын 6-ны өдөр тэмдэглэж байх тухай ОУОХ, НҮБ хамтарсан тогтоол гарсан байдаг. Энэ дагуу хүүхэд, залууст хүн төрөлхтөний эв нэгдэл, шударга өрсөлдөөний талбар болсон олимпийн үзэл санааг түгээн дэлгэрүүлэх, өсвөр, залуу үеийнхний олимпийн боловсролыг дээшлүүлэх зорилгоор энэ өдрийг тэмдэглэдэг бөгөөд спортын төрийн болон төрийн бус байгууллагуудын оролцсон, олимпийн үзэл санааг сурталчилсан илтгэл, спорт, урлагийн тоглолт бүхий өдөрлөгийг дөрөвдүгээр сарын 6-нд 11.00 цагаас эхлэн МҮЭСТО-нд зохион байгуулах юм.