Arslan.mn

2014 оны хоккейн насанд хүрэгчдийн Дэлхийн аварга шалгаруулах тэмцээн Беларусийн нийслэл Минск хотноо болж байна. Энэ сарын 9-нд эхэлсэн ДАШТ-нд 16 буй. "А" хэсэгт Швед, Чех, Канад, Словак, Норвеги, Дани, болон Франц, Италь, "В" хэсэгт ОХУ, АНУ, Финланд, Швейцарь, Герман, Латви, Беларус болон Ази тивийн төлөөлөл Казахстан улс багтжээ. Хэсэг бүрээс дөрвөн баг шалгарч, цааш медалийн төлөө өрсөлдөх юм.

"А" хэсгийг Канад, Норвеги, Швед, "В" хэсгийг ОХУ, АНУ, Беларус улс тэргүүлж байна. ОХУ-ын хоккейчид өчигдөр(05.12) хэсгийн гуравдахь тоглолтоо АНУ-ын эсрэг хийж 6:1-ийн харьцаагаар илүүрхэж, ялалт байгууллаа. Оросын хоккейчид 1991 оны ДАШТ-нд АНУ-ын багийг 12:0-ийн харьцаагаар хожиж байжээ. Швейцарь(5:0), Финланд(4:2)ыг хожоод байсан Оросын хоккейчид ийнхүү хэсгийн гурав дахь хожлоо авлаа.