Arslan.mn

Монгол Улсын Ерөнхийлөгчийн зарлигаар шайбтай хоккейн шигшээ багийн ахлагч, ОУХМ Намжилын Мишигсүрэн МУГТ цол хүртээлээ.

Н.Мишигсүрэн сүүлийн 20 гаруй жил Уулын баяжуулах “Эрдэнэт үйлдвэр"-ийн “Хангарьд” клубт хүчин зүтгэж, өнгөрсөн жилээс эхлэн лигийн тэмцээнд Дархан-Уул аймгийн "Дархан" багийг бүрдүүлэн оролцож лигийн аваргаар шалгарсан. Дархан-Уул аймгийн Шарын гол сумын харьяат тамирчин билээ.

Тэрбээр 2006 онд анх Монголын хоккейн шигшээ багт, 2012-2023 оныг хүртэл Монголын шигшээ багийн ахлагчаар тоглож, 2018 онд Филиппинд, 2019 онд Малайзад болсон “Challenge Cup” тэмцээнд түрүүлж, 2013, 2014, 2015, 2016 онд хүрэл медаль, өнгөрсөн жил ДАШТ-ий урьдчилсан шатны дивизонд түрүүлэхэд бүгдэд нь гар бие оролцож, оролцсон тоглолтын тоо, авсан оноогоороо Монгол Улсын хоккейн спортын бүх цаг үеийн рекорд амжилтыг эзэмшдэг тамирчин юм.