Arslan.mn

Энэ сарын 14,15-нд Энэтхэг улсын нийслэл Шинэ Дели хотод болсон олон улсын Соробан цээж тооллын аварга шалгаруулах Ucmas international competition-2024 тэмцээнд Дундговь аймгаа төлөөлж гурван суралцагч багш, эцэг эхийн хамт оролцлоо.

Дундговь Соробан сампингийн сурагчид 37 орны 7500 гаруй хүүхдүүдтэй өрсөлдөн, аваргын цомын эзэд болсон байна. Мандал сургуулийн сурагч Отгонбаатарын Баянмөнх гүнзгий түвшин F ангилалд 2-р байр эзэлж, мөнгөн цом, Хүмүүнлэг сургуулийн сурагч Мөнх-Оргилын Агиймаа B ангилалд 3-р байр эзэлж, хүрэл цом, Мандал сургуулийн сурагч Отгонбаатарын Эзэнмөнх B ангилалд 3-р байр эзэлж, хүрэл цомын эзэн болжээ.