Arslan.mn

Монгол Улсын 3.4 сая иргэдийн эрүүл мэндийг хариуцан 57 мянга гаруй эмч, эмнэлгийн ажилчид ажиллаж буй. Тэгвэл эрүүл мэндийн салбарынхан У.Хүрэлсүхийн 20 том өөрчлөлт нь эрүүл мэндийн салбарт шинэчлэл хийсэн гэж үзжээ.

Өөрөөр хэлбэл 2017-2021 онд Ерөнхий сайдаар ажиллаж байхдаа сууриар нь шинэчлэх 5, нийгмийн асуудлыг нь шийдэх 5, эмнэлгийн тусламж, үйлчилгээг сайжруулах 5, иноваци, шинэ технологи, хөрөнгө оруулалтын чиглэлээр 5 өөрчлөлт, шинэчлэлтийг хийжээ. Тухайлбал, 

Эрүүл мэндийн салбарыг сууриар нь өөрчлөх чиглэлээр : 

1. Дөрвөн том хуулийн өөрчлөлтийг 2020 оны 8-р сард хийсэн
2. Гүйцэтгэлээрээ санхүүжих тогтолцоог нэвтрүүлсэн
3. ЭМЯ-ны харьяанд ЭМДЕГ-ыг шилжүүлж, хавдар, хүүхэд, зүрх, гемодиализ гээд олон өвчнийг ЭМД-аас 100 хувь даадаг болгожээ.
4. Олон жил ярьсан эм, эмнэлгийн хэрэгсэлийн агентлагтай болгов.
5. Хөнгөлөлттэй эмийн зохицуулалтыг шинэчилсэн 

Эмч, ажилчдын нийгмийн асуудлыг шийдэх чиглэлээр :

1. Сүүлийн гурван жилийн хугацаанд эмч, ажилчдын цалинг нийт 3 удаа, тус бүр 8 хувиар нэмсэн
2. 2021 оны 1-р сарын 01-ээс эхлэн Резидент эмч нарыг тогтмол цалинтай болгосон
3. Ажиллан сурах хөтөлбөр хэрэгжсэн
4. Эмч, эмнэлгийн ажилтнуудыг орон сууцжуулах хөтөлбөрт хамруулж эхэлсэн
5. Ковид-19 халдварын голомтонд ажилласан эмнэлгийн баг,  тэдний ар гэрт мөнгөн тэтгэмж олгосон

Эмнэлгийн тусламж, үйлчилгээг сайжруулах чиглэлээр :

1. Улсын хэмжээнд найман газарт Эрүүл мэндийг дэмжих төвийг байгуулсан
2. Эмнэлгийн тусламж, үйлчилгээний төвлөрлийг сааруулах, чирэгдэлийг бууруулах бодлогыг хэрэгжүүлж эхэлсэн
3. Олон улсын эмнэл зүйн удирдамж болох UpToDate платформыг Монголын бүх эмч, мэргэжилтнүүд, суралцагчдад үнэ төлбөргүй ашиглах боломжийг олгосон 
4. Цахим мэдээлэл дамжуулах PACS системийг бодит ажил болгож, хэрэглээнд нэвтрүүлсэн
5. Эмнэлэгт үзүүлэхдээ эмнэлэг рүү очилгүй цахимаар цаг захиалах үйлчилгээг нэвтрүүлж, нийслэлийн хэмжээнд ашиглалтад оруулсан 

Инноваци, шинэ технологи, хөрөнгө оруулалтын чиглэлээр : 

1. Олон жил гацсан эмнэлгийн барилга, байгууламжуудыг богино хугацаанд ашиглалтанд оруулсан
2. Эрүүл мэндийн салбарын тоног төхөөрөмж, лабораторийн  шинэчлэлийг хийсэн
3. Эмнэлгийн тусламжийг өргөжүүлэх чиглэлээр олон шинэ эмчилгээ, мэс заслыг нэвтрүүлэхэд дэмжиж ажилласан
4. Улсын хэмжээнд богино хугацаанд молекул, биологийн лабораториудыг байгуулсан 
5. Өрхийн эрүүл мэндийн төвийн санхүүжилтыг нэмсэн