Гадаадад байгаа сонгогчдын санал авах ажиллагаа 13.00 цагт өндөрлөнө

Arslan.mn

Монгол Улсын Ерөнхийлөгчийн 2021 оны сонгуулиар гадаад улсад байгаа сонгогчдын санал авах ажиллагаа тавдугаар сарын 30-нд эхэлж, 31-нд Улаанбаатарын 22.00 цагийн байдлаар санал өгөхөөр бүртгүүлсэн 7394 сонгогчийн 68.8 хувь буюу 5087 сонгогч саналаа өгчээ.

Монгол Улсын Ерөнхийлөгчийн сонгуулийн тухай хуульд гадаад улсад байгаа сонгогчийн саналыг тухайн улсын орон нутгийн цагаар 7.00-22.00 цаг хүртэлх хугацаанд авахаар заасан тул Салбар комиссуудын санал авч эхлэх, дуусах хугацаа харилцан адилгүй байдаг онцлогтой. Үүнээс шалтгаалан санал авах ажиллагаа Улаанбаатарын цагаар тавдугаар сарын 30-ны 5.00 цагт Бүгд Найрамдах Австрали Улсын Канберра хот дахь Салбар комисст хамгийн түрүүнд эхэлсэн бол АНУ-ын Сан Франциско хот дахь Салбар комисст Улаанбаатарын цагаар мөн өдрийн 22 цагт эхэлжээ.

Монгол Улсын Ерөнхийлөгчийн сонгуулийн тухай хуулийн 64 дүгээр зүйлд заасны дагуу хүсэлт гаргаж бүртгүүлэн, ажиглагчийн гэрчилгээ авсан “Бодлогод залуусын хяналт” ТББ-ын 4, МАН-ын 15, нийт 19 ажиглагч энэ удаагийн сонгуулиар гадаад улсад байгаа сонгогчдын санал авах ажиллагааг хөндлөнгөөс ажиглаж байна. Харин “Зөв хүн электорат” эвсэлээс 12 ажиглагч бүртгүүлэх тухай хүсэлтээ Ерөнхийлөгчийн сонгуулийн тухай хуулийн 64 дүгээр зүйлийн 64.4-т заасан хугацаанаас хоцроож, 2021.05.27-ны өдөр ирүүлсэн тул материалыг хүлээн авахаас татгалзсан хариу өгснийг ГХЯ мэдээллээ.

Санал өгсөн байдлыг тодруулбал:

1	Анкара хот дахь Салбар комисс	27 сонгогч – 77.1 хувь
2	Бангкок хот дахь Салбар комисс	33 сонгогч – 91.7 хувь
3	Берлин хот дахь Салбар комисс	258 сонгогч – 62.6 хувь
4	Брюссель хот дахь Салбар комисс	118 сонгогч – 71.1 хувь
5	Бишкек хот дахь Салбар комисс	17 сонгогч – 77.3 хувь
6	Будапешт хот дахь Салбар комисс	202 сонгогч – 64.3 хувь
7	Бээжин хот дахь Салбар комисс	82 сонгогч – 97.6 хувь
8	Варшав хот дахь Салбар комисс	124 сонгогч – 78 хувь
9	Вашингтон хот дахь Салбар комисс	294 сонгогч – 48 хувь
10	Вена хот дахь Салбар комисс	118 сонгогч – 72.4 хувь
11	Вьентьян хот дахь Салбар комисс	30 сонгогч – 100 хувь
12	Гавана хот дахь Салбар комисс	20 сонгогч – 83.3 хувь
13	Дели хот дахь Салбар комисс	14 сонгогч – 87.5 хувь
14	Каир хот дахь Салбар комисс	14 сонгогч – 72.2 хувь
15	Канберра хот дахь Салбар комисс	541 сонгогч – 70.5 хувь
16	Кувейт хот дахь Салбар комисс	7 сонгогч – 100 хувь
17	Лондон хот дахь Салбар комисс	139 сонгогч – 74.3 хувь
18	Москва хот дахь Салбар комисс	97 сонгогч – 84.3 хувь
19	Минск хот дахь Салбар комисс	20 сонгогч – 100 хувь
20	Нурсултан хот дахь Салбар комисс	17 сонгогч – 85 хувь
21	Оттава хот дахь Салбар комисс	42 сонгогч – 61.8 хувь
22	Парис хот дахь Салбар комисс	54 сонгогч – 64.3 хувь
23	Пхеньян хот дахь Салбар комисс	0 сонгогч – 0 хувь
24	Прага хот дахь Салбар комисс	86 сонгогч – 40.8 хувь
25	Ром хот дахь Салбар комисс	15 сонгогч – 65.2 хувь
26	Софи хот дахь Салбар комисс	20 сонгогч – 83.3 хувь
27	Сөүл хот дахь Салбар комисс	753 сонгогч – 69.9 хувь
28	Стокгольм хот дахь Салбар комисс	174 сонгогч – 74.7 хувь
29	Сингапур	62 сонгогч – 95.4 хувь
30	Токио хот дахь Салбар комисс	719 сонгогч – 86.7 хувь
31	Ханой хот дахь Салбар комисс	25 сонгогч – 92.6 хувь
32	Женев хот дахь Салбар комисс	126 сонгогч – 79.2 хувь
33	Нью-Йорк хот дахь Салбар комисс	59 сонгогч – 58.4 хувь
34	Истанбул хот дахь Салбар комисс	73 сонгогч – 43.2 хувь
35	Сан-Франциско хот дахь Салбар комисс	172 сонгогч – 36.4 хувь
36	Осака хот дахь Салбар комисс	106 сонгогч – 87.6 хувь
37	Кызыл хот дахь Салбар комисс	21 сонгогч – 100 хувь
38	Улаан-Үд хот дахь Салбар комисс	87 сонгогч – 88.8 хувь
39	Эрхүү хот дахь Салбар комисс	40 сонгогч – 88.9 хувь
40	Хөх хот хот дахь Салбар комисс	49 сонгогч – 81.7 хувь
41	Хонгконг хот дахь Салбар комисс	23 сонгогч – 100 хувь
42	Шанхай хот дахь Салбар комисс	31 сонгогч – 93.9 хувь
43	Эрээн хот дахь Салбар комисс	58 сонгогч – 70.7 хувь
44	Пусан хот дахь Салбар комисс	114 сонгогч – 74 хувь
45	Манжуур хот дахь Салбар комисс	6 сонгогч – 100 хувь
		5087 сонгогч

Орон нутгийн цагаар 22.00 цагт Бангкок, Вьентьян, Каир, Канберра, Кувейт, Минск, Сөүл, Сингапур, Осака, Кызыл, Улаан-Үд, Эрхүү, Шанхай, Эрээн, Пусан, Бээжин, Хөх хот дахь 17 Салбар комиссын санал авч дууссан бөгөөд бусад 27 Салбар комисст санал авах ажиллагаа үргэлжилж байна. Харин Берлин, Будапешт, Вашингтон, Прага, Сан-Франциско зэрэг Салбар комиссын сонгогчдын ирц бага буюу дунджаар 40 гаран хувьтай байгаа бөгөөд өнөөдөр ажлын өдөр тул ирцэд нөлөөлж байх магадлалтай аж.

анал авах ажиллагаа хамгийн сүүлд АНУ-ын Сан Франциско хот дахь Салбар комисст Улаанбаатарын цагаар 2021 оны 6 дугаар сарын 1-ний өдрийн 13.00 цагт өндөрлөхийг Гадаад улсад байгаа сонгогчдын санал авах ажиллагааг зохион байгуулах Төв комисс мэдээлжээ.