Arslan.mn

Ерөнхий сайд У.Хүрэлсүх Цагдаа, Дотоодын цэргийн байгууллагын ажилтай танилцаж, Цагдаагийн ерөнхий газар дээр ирж алба хаагчидтай цахимаар уулзалт хийлээ. Энэ үеэр тэрбээр цагдаагийн байгууллагын ажилтнуудад хандан гэр бүлийн хүчирхийлэлтэй тэмцэх тухай хуулийн хэрэгжилтийг хангаж, энэ төрлийн гэмт хэрэг зөрчлөөс урьдчилан сэргийлж ажиллахыг үүрэг болголоо.

Тэрбээр "Гэр бүлийн хүчирхийлэлтэй тэмцэх тухай хуулийн хэрэгжилтийг хангаж, энэ төрлийн гэмт хэрэг зөрчлөөс урьдчилан сэргийлэх ажлыг эрчимжүүлж, хороо, дүүргийн Засаг дарга, нийгмийн ажилтнуудтай хамтран ажиллаж хүчирхийлэл үйлдэгдэж болзошгүй, үйлдэгдэж байгаа айл өрхүүдэд хатуу хяналт тавьж ажиллахыг үүрэг болгож байна.

Гэр бүлийн хүчирхийлэл газар авч, ард иргэд үүнд маш их эмзэглэж байгаа. Нуугдмал далд байдалд үйлдэгддэг энэ төрлийн хүчирхийллийн талаар биечлээд яриад байдаггүй. Тэсвэр нь алдарсан хүмүүс гарч ирж байгаа. Тиймээс энэ чиглэлд ихээхэн анхаарч ажиллах хэрэгтэй байна.

Мөн бага насны хүүхэд хүчирхийлэлд өртөн, амиа алдаж иргэд олон нийтийн бухимдлыг төрүүлсээр байгаа. Иймд холбогдох төрийн болон төрийн бус байгууллагуудтай хамтран ажиллаж үр дүнтэй арга хэмжээг шуурхай авч хэрэгжүүлэх шаардлагатай байна" гэв.

Мөн тэрбээр цагдаагийн албан хаагч нар албан үүргээ гүйцэтгэж байхдаа хохирсон тохиолдолд тэднийг хамгаалах хэрэгтэй. Цагдаагийн албан хаагчдын дунд соён гэгээрүүлэх ажлыг зохион байгуулах, техник технологийн тоног төхөөрөмжийг ажилдаа идэвхийлэн ашиглаж нэг албан хаагчид ирэх ачааллыг бууруулах хэрэгтэй гэв.

ШУУД ҮЗЭХ: