Arslan.mn

Засгийн газрын ээлжит хуралдаанаас гаргасан шийдвэр болон цаг үеийн нөхцөл байдлын талаар мэдээлэл хийлээ. 

Хил Хамгаалах Ерөнхий Газрын дарга Ж.Бямбасүрэн: Засгийн газрын өнөөдрийн хуралдаанаар Сэлэнгэ аймаг дахь Алтанбулаг боомтоор гарах ачаа тээврийн хөдөлгөөнийг энэ сарын 16-наас эхлэн ирэх 2021 оны нэгдүгээр сарын 18-нийг хүртэл зогсоох шийдвэр гаргалаа. Энэ 16-нийг хүртэл хилээр нэвтрэх ачаа тээврийн хэрэгслийг өндөр хяналт хамгаалалтын доор нэвтэрүүлэх юм. Харин зорчигчийг оруулж гаргахад УОК-ын шийдвэрийг харгалзан үзнэ. 

Түүнчлэн ОХУ-тай хиллэдэг Тэс, Арцсуурь, Ханх, Ульхан боомтуудыг 11-р сарын 16-наас, Боршоо боомтыг 26-наас эхлэн түр хугацаагаар хаах шийдвэрийг гаргалаа.

Харин Баян-Өлгнйн Цагааннуурын боомтоор 11 дүгээр сарын 23-ны өдрөөс эхлэн сар бүрийн хоёр, дөрөв дэхь долоо хоногт шатахуун тээвэрлэх машинуудыг нэвтрүүлнэ.