Arslan.mn

Улсын Онцгой Комисс/УОК/  яг одоо хуралдаж байна.

Хурлаар "ДЭМБ болон вирус судлалын эрдэмтдийн зөвлөлөөс ирүүүлсэн хөл хориог 14 хоног сунгах саналыг хэлэлцүүлж байна" гэж УОК-ын хэвлэлийн төлөөлөгч Ц.Ганзориг мэдээллээ.

Засгийн газар үргэлжлүүлэн 14:00 цагаас хуралдаж эцсийн шийдвэрийг гаргах юм байна.

Эрүүл мэндийн яам  болон Эрдэмтдийн зөвлөл өнөө өглөө хуралдаж, Улсын онцгой комисст хөл хорионы хугацааг 14 хоногоор сунгах санал хүргүүлээд байна.

Хил дотор халдвар авсан 19 иргэн бүртгэгдээд байна. Үүнд:

-УБ хотод 9 тохиолдол

-ХӨСҮТ-ийн эмч, сувилагч-7 тохиолдол

-Сэлэнгэ аймгийн 3 тохиолдол

Халдвар авсан 424 иргэнээс 328 иргэнийг эмчилж, 91 иргэнийг яг одоо эмчилж байна.

Өнөөдрийн хувьд шинээр халдвар нэмж бүртгэгдээгүй.