ТӨСӨВ 2022: БШУ-ны сайд хамгийн олон буюу 163 төсөл хэрэгжүүлнэ

Arslan.mn

Сангийн яам ирэх оны улсын төсвийн төслийг боловсруулж дууссан. УИХ-ын байнгын хороод удахгүй төсвийн төслийг нарийвчлан хэлэлцэж эхэлнэ. Ирэх онд Засгийн газар төвлөрлийг сааруулах бодлогын хүрээнд дэд бүтцийн хөрөнгө оруулалтуудыг нэмэхээр төлөвлөжээ.

Нийт шинэ хөрөнгө оруулалтын 40 хувийг дэд бүтцийн төслүүд эзэлсэн байна. Иймд Зам тээврийн хөгжлийн сайд Л.Халтар хамгийн өндөр үнийн дүн бүхий төслүүдийг хэрэгжүүлнэ. Нийт 810 тэрбум төгрөгийн төсөвт өртөг бүхий 54 төсөл хэрэгжүүлэхээс ирэх онд 217 тэрбум төгрөгийг улсын төсвөөс гаргана.

Барилга хот байгуулалтын яам 200 тэрбум төгрөгийн хөрөнгө оруулалтын дүнгээр удаалж байгаа бол гуравдугаарт 193 тэрбум төгрөгийн хөрөнгө оруулалтаар БШУЯ жагсжээ.

Тус яам хамгийн олон буюу 163 төсөл хэрэгжүүлнэ. Өмнөх жилүүдэд боловсрол, эрүүл мэндийн салбарт томоохон хөрөнгө оруулалтууд хийсэн ч ирэх онд дахин үргэлжлүүлнэ. Боловсролын салбарт 30 сургууль (48 тэрбум төгрөг), 50 цэцэрлэг (51 тэрбум төгрөг) барих бол эрүүл мэндийн салбарт 28 эмнэлэг (41 тэрбум төгрөг) барина.

2022 ОНЫ ХӨРӨНГӨ ОРУУЛАЛТЫН АЖЛУУДЫН ТӨСӨВТ ӨРТӨГ

№	Яам	Төслийн тоо	Төсөвт өртөг, тэрбум төгрөг	2022 онд санхүүжүүлэх, тэрбум төгрөг	Эзлэх хувь
1	Зам тээвэр, хөгжлийн яам	54	810	217	19
2	Барилга хот байгуулалтын яам	108	485	200	17.7
3	БШУЯ	163	548	193	17
4	ЭМЯ	56	185	70	6
5	ЭХЯ	31	141	56	4.9
6	ХХААХҮЯ	46	102	54	4.7
7	Соёлын яам	31	89	51	4.5
8	ХЗДХЯ	32	78	51	4.5
9	Ерөнхий сайд	20	90	38	3.3
10	ХНХЯ	19	65	32	2.8
11	ЗГХЭГ	20	36	26	2.3
12	БОАЖЯ	20	27	23	2
13	БХЯ	7	23	14	1.2
14	Сангийн яам	4	13	13	1.1
15	ГХЯ	3	8.4	8.4
16	Шадар сайд	6	22.7	4.1
17	ҮСХ	1	2.1	2.1
18	УИХ-ын дарга	1	2.1	2.1
19	Шүүхийн ерөнхий зөвлөл	2	2	2
20	Улсын ерөнхий прокурор	2	1.8	1.8
21	Улсын ерөнхий аудитор	1	1.5	1.5
22	АТГ	2	1.2	1.2
23	УУХҮЯ	2	1.1	1.1
24	ЕТГ	1	200 сая	200 сая
25	Нийт	632	2 806 123	1 133 017