Arslan.mn

Хот, хөдөөгийн хөгжлийн тэнцвэрийг хангах, төвлөрлийг сааруулах, авто замын түгжрэлийг бууруулах үндэсний хорооны хуралдаан Төрийн ордонд болж байна. Хурлаар нийслэлийн авто замын түгжрэлийг бууруулахаар хэрэгжүүлж буй төсөл хөтөлбөр, төлөвлөгөөний талаар танилцууллаа.

Мөн түгжрэлийг бууруулах, төвлөрлийг сааруулахад 420 тэрбум төгрөгийн эх үүсвэрээр хэрэгжүүлэх төсөл, арга хэмжээ, RFID буюу цахим гэрчилгээ нэвтрүүлэх талаар танилцууллаа.

Энэ үеэр Ерөнхий сайд Л.Оюун-Эрдэнэ “Өмнө нь түгжрэлийн асуудлаар ЗТХЯ, БХБЯ, Нийслэл болон дүүргүүд салангид бодлоготоай явдаг байсан. Түгжрэлийг бууруулах үндэсний хороон болж байгаагийн гол зорилго бол бодлогын нэгдмэл уялдааг хангах юм.  Нийслэлийн түгжрэлийг сааруулахын хүрээнд анх удаа 420 тэрбум төгрөгийг нийслэлд татаасаар үлдээж байгаа. Энэ бол эхлэл санхүүжилт гэж ойлгож болно. Та нар ажлаа  маш сайн хийж, шийдэл чинь сайн байвал санхүүжилтийг нэмж болно. Та нар нэг алхвал Ерөнхий сайд дагаад хоёр алхана. Хот хоёр алхвал Ерөнхий сайд дөрөв алхана.” гэв.