Arslan.mn

Сүхбаатарын талбайд болсон "Монголдоо сайхан амъдрая" уриатай жагсаал өчигдөр шөнө 04.00 цаг хүртэл үргэлжилсэн. Энэ үеэр эмх замбараагүй байдал үүсч, цагдаагийн албан хаагчид иргэдийг зодож буй бичлэг цацагдсан.

 ХЗДХ-ийн сайд Х.Нямбаатар уг асуудлаар байр сууриа илэрхийлсэн. Тэрбээр, "Жагсаалд оролцож байсан иргэнийг зодож, ёс зүйн хэм хэмжээ алдсан цагдаагийн албан хаагчийн өмнөөс уучлалт гуйж байна. Энэ асуудлаар нэр бүхий албан хаагчидтай холбогдуулан дотоод хяналт шалгалт явуулж байгаа. Удахгүй албаны шалгалтын дүнг танилцуулна" гэв.

Үүний хариуд Ерөнхий сайд Л.Оюун-Эрдэнэ " Өчигдөр би ХЗДХ-ийн сайд болон хууль хяналтын байгууллагад огт хүч хэрэглэж болохгүй гэж байнга хэлж байсан. Хэрвээ энэ асуудалд өөр ямар нэг зүйл байгаа бол миний хувьд хариуцлага тооцоход бэлэн байна” гэв.