Arslan.mn

Боловсрол, шинжлэх ухааны яамнаас багш нарын 59 мянган дипломыг шалгасан бөгөөд өнөөдрийн байдлаар 442 диплом зөрчилтэй болох нь тогтоогдсон бол 2000 нь сэжигтэй байгаа талаар мэдээлэл өгсөн.

Үүнтэй холбоотойгоор сошиал орчинд Монгол Улсын Ерөнхий сайд Л.Оюун-Эрдэнэ, Засгийн газрын хэрэг эрхлэх газрын дарга Д.Амарбаясгалан нарыг Монгол Улсын Их Сургууль төгссөн нь эргэлзээтэй гэх мэдээлэл гараад буй. 

Тэгвэл энэ талаар  ЗГХЭГ-ын дарга Д.Амарбаясгалан мэдээлэл хийх үеэр "Ерөнхий сайд бид хоёрын хувьд МУИС-ийг төгссөн байдал бодитой. Хичээл заасан багш нар, хамт суралцсан нөхөд маань байна. Дээрээс нь бакалаврын диплом хамгаалсан сэдэв  тодорхой байна. Тиймээс үүнд эргэлзэх хэрэггүй. Ерөнхий сайд бид хоёр улс төрийн шинжлэх ухааны чиглэлээр суралцах зайлшгүй шаардлага гарч, МУИС-ийн хэрэгжүүлсэн бакалаврын программд хамрагдсан. Бид дипломоо үзүүлэх нь нээлттэй. " гэжээ.