Arslan.mn

Цахим хөгжил, харилцаа холбооны Дэд сайд Б.Болор-Эрдэнэ өөрийн хүсэлтээр албан тушаалаас чөлөөлөгдөх өргөдлөө өгснөө нүүр хуудастаа мэдээлээд байсан.

Тэрбээр "би дэд сайдын албан тушаалаасаа өөрийн хүсэлтээр чөлөөлөгдөх өргөдлөө хүргүүлснээ мэдэгдэж байна. Гэхдээ энэ бугширсан 30 жилийн системд бууж өгч байгаа юм биш шүү. Харин ч тэмцэнэ. Тэмцэхдээ илүү эрх чөлөөтэй тэмцэнэ. Илүү олон залуучуудтай хамт тэмцэнэ. Өөрчлөлт өнөөдөр биш гэхэд маргааш заавал ирнэ. Өөрчлөлтийг өөр хандлагатай шинэ үе авчрах л болно. Миний хийж бүтээсэн ажлыг дэмжсээр ирсэн, шүүмжилсээр ирсэн та бүхэнд баярлалаа" хэмээсэн.

Тэгвэл эх сурвалжийн мэдээлж буйгаар, өчигдөр орой /2022.11.08/ МАН-ын Удирдах зөвлөлийн хуралдаанаар дэд сайд Б.Болор-Эрдэнийг албан тушаалаас нь чөлөөлөх асуудлыг хэлэлцэх байсан боловч тус хуралдаанаас өмнө МАН-ын ЕНБД Д.Амарбаясгалан хэлэлцэх асуудлаас хасуулжээ.