Arslan.mn

"Эрчим хүчний хүрэлцээ, хэмнэлт" зөвлөгөөн хэлэлцүүлгийн шатаар үргэлжилж байна.  Зөвлөгөөнөөр Монгол Улсын эрчим хүчний системийн найдвартай, тогтвортой ажиллагааг хангах болон хэмнэлт, үр ашгийг дээшлүүлэхэд тулгамдаж буй асуудал, боломж, гарц, шийдлийг хэлэлцэж буй.

Зөвлөгөөний хэлэлцүүлгийн үеэр модератор эдийн засагч Д.Жаргалсайхан "Цахилгаан хязгаарлана гэж ярьж байна. Энэ бол аймшигтай үг.  Монгол Улсад дайн болоогүй байхад бид яагаад цахилгаанаа хязгаарлуулах ёстой вэ." гэж асуусан юм.  Түүний асуултанд Эрчим хүчний яамны ТНБД Н.Тавинбэх хариулахдаа "Нөхцөл байдлыг нийгэмд бодитой танилцуулж байх ёстой. Өнгөрсөн шөнийн оргил ачаалал 1427 МВк хүрсэн тухай олон хүн ярьж байна. Үйлдвэрлэлээс давсан хэрэглээг хангаж чадахгүй учраас хэсэгчлэн хязгаарлах тухай ярьж байна. Цахилгаан хязгаарлана гэдэг аймшигтай үг болов ч салбарын бодит байдал ийм л байна.

Мөн дулааны эрчим хүч хүнд байгаа. Хэмнэлт бол үр дүн өгөх хүчин зүйл. Хэмнэж байж хүчин чадлын дутагдлаас гарна." гэв.