Arslan.mn

Шадар сайд С.Амарсайхан мэдээлэл хийж байна.

Тэрбээр " Өчигдөр ЗГ-ын хуралдаанаар ипотекийн хөтөлбөр, энэ хүрээнд авч хэрэгжүүлж байгаа  арга хэмжээний талаар хяналт шалгалт хийх ажлын хэсгийн хуралдааны дүнг танилцуулсан. Ажлын хэсэг Шадар сайдын тушаалаар байгуулагдаж, үндсэндээ 12 сар хүртэл ажилласан. Тэд энэ сарыг хүртэл ажиллан, иргэдэд ипотекийн зээл хүрч байна уу, цаашид ямар арга хэмжээ авах уу гэдгийг судлав. 

Санхүүгийн зохицуулах хорооны удирдлагууд журамд өөрчлөлт оруулж, ипотекийн зээлийн эргэн төлөлтөөс цугларсан 170 тэрбум төгрөгийг хууль бусаар, зориулалтын бус зүйлд зарцуулжээ. Үүнтэй холбогдуулан Монголбанкны удирдлагуудыг оролцуулсан ажлын хэсгийн дүгнэлт гарсан.  

Нэгт. Иргэдээс ирсэн гомдол, санал хүсэлтийг оруулсан

Хоёрт. Ипотекийн зээлийг цаашид тогтвортой хэрэгжүүлэх, хүртээмжийг нэмэгдүүлэх, хүүг бууруулах, эргэн төлөлтийн хуваарийг иргэд ипотекийн кропораци хоорондоо тохирч төлөх боломж олгох, урьдчилгаа төлбөрийг даатгалын сантай хамтарч хэрэгжүүлэх зэрэг олон асуудлууд орж байгаа.

Монголбанк 400 орчим тэрбум төгрөгийг хууль бусаар ашиглан, зарим арилжааны банкны дүрмийн санг нэмсэн. Тэгсэн атлаа зээлийн хүүг 8-аас 6 хувь болгох ажлыг дэмжихгүй байна

Харамсалтай нь, Төв банкны удирдлагууд өмнө нь илэрхийлж байсан байр сууриа Засгийн газрын хуралдаанд үгүйсгэлээ. 

Уг нь 8 хувийн хүүтэй, ипотекийн зээлийн хүүг 6 хувь болгох боломжтой, урьдчилгааг 30-аас 20 хувь руу буурулуах боломжтой гэсэн мэргэжлийн байгууллагуудын (Сангийн яам, Хөгжлийн банк, БХБЯ, СЗХ, Монголбанк)дүгнэлт гарсан. Энэ дүгнэлтийг Засгийн газрын хуралдаанд танилцуулсан. Ерөнхий ажлын хэсэг  энэ асуудлыг хуралдаанд дахин оруулж ирэх үүрэг өгсөн.

Гэвч Монголбанк одоо ч энэ талаар байр сууриа илэрхийлээгүй байна. Тус банкнаас 1 хувийн хүүтэй гаргасан зээлийг иргэдэд 12 хувиар олгодог байгаад одоо 8 хувиар олгож байна. Монголбанк 400 орчим тэрбум төгрөгийг хууль бусаар ашиглан, зарим арилжааны банкны дүрмийн санг нэмсэн. Тэгсэн атлаа зээлийн хүүг 8-аас 6 хувь болгох ажлыг дэмжихгүй байна. МИК зөвхөн Төв банк,  Засгийн газрын эх үүсвэрээр ипотекийн зээл олгох ёсгүй. Тэд санхүүгийн өөр эх үүсвэр бүрдүүлэн, зээл олгох ёстой. Төв банк үр ашиггүй зарцуулсан мөнгөө эргүүлэн авч, дараагийн зээлүүдийг санхүүжүүлэх ёстой. 20 орчим мянган өрх зээл авахаар хүлээж байна. Энэ зээл бүр наймаанд орсон шүү дээ.

Ипотекийн зээлийн хүүг 6 хувь, урьдчилгааг 20 хувь болгох боломжтой гэсэн дүгнэлт гарсан

Ажлын хэсгээс 

1. Ипотекийн 8%-ийг 6% болгох,
2. Урьдчилгаа  төлбөрийг зээлийн батлан даалтын оролцоотойгоор 30%-ийг 20 % болгох,
3. Гуравдугаарт, зээлийн эргэн төлөлтийг хүү, үндсэн зээл дээр иргэд, банк санхүүгийн байгууллагууд хоорондоо тохирч, эргэн төлөлтийг уян хатан болгох боломжтой гэх дүгнэлтүүдийг гаргажээ.