Arslan.mn

Засгийн газрын ээлжит хуралдаанаас гаргасан шийдвэрийг өнөөдөр /2023.01.18/ танилцууллаа.

ЗГХЭГ-ын дарга Д.Амарбаясгалан:

-Монгол Улсын нийт хүүхдийн 91 хувьд хүүхдийн мөнгийг олгох шийдвэр гарсан. Засгийн газраас хүүхэд бүрт 100 мянган төгрөгийг өгөхөөр ажиллаж байна. Нийт 1,039,000 хүүхдэд мөнгө олгож байгаагааас өнөөдрийн байдлаар өрхийн мэдээллийн сангийн мэдээлэл нь бэлэн болсон 823.354 хүүхдийн мөнгийг өнөөдөртөө багтаж дансанд нь шилжүүлнэ. Төрийн зургаан байгууллагын мэдээллийн зөрүүтэй байдал нь цахим шилжилтэд шилжих энэ явцад ил гарч ирж байна. Монголд хэрэгжиж буй зарим хууль тогтоомжийг бүрэн хэрэгжүүлдэггүй байсантай холбоотойгоор өнөөдрийн нөхцөл байдал үүссэн. Улсын бүртгэлийн байгууллагаас энэ чиглэлээр олон ажлыг хийж ирсэн.