Arslan.mn

Засгийн газраас Шилэн ажиллагааны хүрээнд ЦХХХ-ны сайд Н.Учрал 6 тусгай сан болон 9 дүүргийн үе үеийн Засаг дарга нарын өнгөрсөн 20 жилийн хугацаанд олгосон газрын талаар мэдээлэл хийлээ.

Өнөөдөр нийслэлийн 9 дүүргийн үе үеийн Засаг даргын захирамжаар олгосон газар олголтын мэдээллийг ил болгожээ. Тодруулбал, нийт 310503 газар олголтын мэдээллийг ил болгожээ.

ЦХХХ-ны сайд Н.Учрал “  Өнгөрсөн долоо хоногт долоон дүүргийн засаг даргын мэдээлэл ирсэн байсан. Шаардаж, мэдээлэл авсны үндсэн дээр үлдсэн өнөөдөр нээлттэй болгож байна.

Үүнд, 2000-2023 онд олгосон:

• Чингэлтэй дүүргийн 35049
• Баянзүрх дүүргийн 86051
• Сүхбаатар дүүргийн 51477
• Баянгол дүүргийн 10744 газрын мэдээлэл ил болжээ.

Харин Багануур дүүргийн хувьд 2000-2021 онд олгосон 10487 газар буюу сүүлийн 2 жилийн газар олголтын мэдээлэл дутуу.

Налайх дүүрэг сүүлийн 3 жилийн мэдээллээ дутуу ирүүлсэн.

Хан-Уул дүүргийн хувьд 10 жилийн газар олголтын мэдээлэл ирээгүй. Харин Сонгинохайрхан дүүргийн газрын мэдээлэл бүрэн ирж дууссан." гэв.