Arslan.mn

Хүнд өвчтэй монгол хүү БНСУ-ын саатуулах байранд аавынхаа хамт 19 хоног хоригдож, эцэст нутаг буцсан талаар БНСУ-ын MBC телевиз мэдээлсэн.

Энэ талаар Гадаад Харилцааны Яамнаас тодруулахад "Олон сарын өмнө гарсан хэрэг. Тухайн үед БНСУ дах манай Консулын албанэлээд анхаарал хандуулж ажиллаж байсан. Солонгосын Цагаачлалын албанаас зөвшөөрөл авч хүүхдийг авч эмнэлэгт үзүүлж байв. Хүүхдийн эрүүл мэнд ноцтой зүйлгүй хэвийн, хагалгааны заалтгүй гэсэн мэдээлэл өгч байсан. Хүүхдэд асран хамгаалагч олж өгөх гэж нэлээн хөөцөлдсөн. Гэвч хүүгийн ээж болон ах дүү нар нь бүгд авахаас татгалзсан. Манай холбогдох байгууллагууд иргэдийнхээ төлөө зохих арга хэмжээг авч болохоос болохгүй хүртэл ажилладаг. Мэдээж тухайн улсын мөрдөж буй хууль эрхзүйн хүрээг бид давах учиргүй. Харамсалтай нь хүүгийн эцэг хууль бусаар оршин сууж байгаад баригдсан тул хүүг хамт нутаг буцаахаас өөр аргагүй болсон" гэв.