Arslan.mn

УИХ-ын Төрийн байгуулалтын байнгын хороо, УИХ-ын Эдийн засгийн байнгын хорооны хамтарсан хуралдаан болж, Монгол Улсыг 2021-2025 онд хөгжүүлэх таван жилийн үндсэн чиглэлийн 2023 оны биелэлт, Монгол Улсын Засгийн газрын 2020-2024 оны үйл ажиллагааны хөтөлбөрийн 2023 оны хэрэгжилт, Монгол Улсын хөгжлийн 2023 оны төлөвлөгөөний гүйцэтгэлийн тайланг хэлэлцлээ.

Энэ үеэр УИХ-ын гишүүн Г.Ганболд “Нутгийн зам”-тай холбоотой ажлын хэрэгжилт тааруу байна. ЗТХ-ийн сайд С.Бямбацогтоос тайлбар авъя" гэсэн юм.

Харин үүний хариуд ЗТХ-ийн сайд С.Бямбацогт "Засгийн газрын хяналт хэрэгжүүлэх газар ажлыг яаж үнэлж дүгнэснийг би ойлгохгүй байна. Зам тээврийн салбар 2023 онд өндөр өсөлттэй гарсан. Монгол Улсын эдийн засаг 7 хувь өссөн байхад зам тээврийн салбар 73 хувийн өсөлттэй гарсан. 

Ажлаа сайн хийчихлээ, өсөлт сайн гарлаа, үнэлгээ сайн гарсан гэж бодоод байтал муу байх юм.

УИХ төсөв тавьж өгөхгүй юм чинь яаж зам тавих юм. “Нутгийн зам” хөтөлбөр хэрэгжээгүй " гэх хариу тайлбарыг өглөө.

Өөрөөр хэлбэл, Засгаас ажилд нь муу үнэлгээ тавьсанд С.Бямбацогт  сайд “бухимдав“.