Arslan.mn

Цахилгаан, дулааны үнийг хэдэн хувиар нэмж байгаа талаар Т.Доржханд, Б.Чойжилсүрэн сайд нар нэгдсэн мэдээлэл хийлээ.

Эрчим хүчний сайд Б.Чойжилсүрэн  "Эрчим хүчний салбар 101 жилийн настай. Эрчим хүчний хэрэглээ жил бүр өслөө. Ирэх жил ТЭЦ2 шиг чадлыг нэмж ашиглалтад оруулах шаардлагатай.

Хамгийн сүүлд 2022 онд буюу цар тахлын дараа эрчим хүчний үнийг нэмсэн. Ингэхдээ уул уурхайн салбарын төлдөг тарифыг 294 кв/цаг болгосон.

Одоо ахуйн  хэрэглээ нэг квт нь 140 төгрөг байгааг 175 төгрөг болгох тооцоо хийж байна.

Эрчим хүчний зохицуулах хороо бие даан шийдвэр гаргадаг байгууллага. Тэд шийдвэрээ дангаараа гаргана.

Удахгүй эрчим хүчний үнийг чөлөөлнө. Хувийн хэвшлийнхэн энэ салбарт орж ирж, өрсөлдөөн бий болсноор үнэ буурах ч магадлалтай. Эхлээд үнэ нэмж байна. Учир нь өртөгт нь хүргэснээр хөрөнгө оруулагчид энэ салбар руу орох сонирхол нэмэгдэнэ.

Эрчим хүчний үнийг нэмэгдүүлснээр инфляц 2.4%-иар нэмэгдэх тооцоолол гарсан. Үүнийг нуухгүй. Бидний байгаа хувь тавилан л энэ " гэв.