Arslan.mn

Хөгжлийн банкны ТУЗ-ийн шинэчлэгдсэн бүрэлдэхүүн 2024 оны арваннэгдүгээр сарын 7-ны өдөр хуралдаж, З.Нарантуяаг Гүйцэтгэх захирлаар томиллоо.

З.Нарантуяа нь эрх зүйч, эдийн засагч мэргэжилтэй.

Монгол шуудан банк, Хадгаламж банкны дэд захирлаар ажиллаж байсан тэрбээр З.Энхболдын эдийн засгийн бодлогын зөвлөхөөр ажиллах болсноор Санхүүгийн зохицуулах хорооны даргаар томилогдож байв. Ийнхүү улс төрийн замналээ эхлүүлснээр 2016-2020 онд парламентад сонгогдож, өдгөө АН-ын голлох хүний нэг болсон юм.

Тэгвэл Хөгжлийн банкыг удирдах З.Нарантуяагийн   АТГ-т мэдүүлсэн 2020 оны Хөрөнгө орлогын мэдүүлгийг танилцуулъя.

Тэрбээр  өөрөө 101 сая төгрөгийн орлоготой гэсэн бол гэр бүлийн орлогоо 48 сая хэмээн мэдүүлжээ. 

Мөн 781 сая төгрөгийн  үнэ бүхий  нэг орон сууц, зуслангийн байшинтай, 84 сая төгрөгөөр үнэлэгдэх Жийп болон туулах чадвар өндөр Lexus 570 маркийн  машинтай  хэмээн мэдүүлжээ.

Мөн 3 сая төгрөгөөр үнэлэгдэх малтай, 75 сая төгрөгийн үнэт эдлэлтэй  гэжээ.

Түүнчлэн 5 сая төгрөгийн хадгламжтай, 80 сая төгрөгийн авлагатай байна. 

Говь ХК, Атар өргөө ХК, Эм би Ди ХХК, Парита энд партнерс ХХК-д хувь эзэмшдэг гэж мэдүүлжээ.

Эндээс үзвэл, З.Нарантуяа гишүүний хөрөнгө орлого хэтэрхий цэвэрхэн гэж харагдахаар байна. Учир нь УИХ-ын гишүүдийн жилийн орлого жил бүр огцом өсөх, эсвэл хэт буурах байдал жил бүр ажиглагддаг. Харин түүнийх бараг өөрчлөлтгүй байгаа нь хөрөнгөө нуун дарагдуулсан уу гэсэн хардлага төрөхөөр.