Arslan.mn

Эрүүл мэндийн сайд Т.Мөнхсайхан өнөөдөр /2024.11.11/ Засгийн газрын 11-11 төвд ажиллаж, иргэдийн мэдээллийг сонсож, асуултад хариулт өгөв.

Энэ үеэр  ЭМ-ийн сайд Т.Мөнхсайхан "Бүх эмнэлгүүд цахимд холбогдсон, цахим жорыг эмнэлгүүд бичих боломж нь бүрдсэн. Аль ч эмийн сангуудад мэдээлэл очих боломж бүрдчихсэн байгаа. Тиймээс эмчээсээ шаардаж болно. Би цахимаар эм бичүүлж авмаар байна, надад ийм хүндрэл үүсээд байгаа гэдгээ хэлэх хэрэгтэй. 

Жишээ нь, бид жоргүйгээр даралтын эмийг өгснөөр эмчээс зөвлөгөө авахгүйгээр нэг эмээ удан хугацаанд жоргүйгээр авч уусаар байгаад даралтын эм нь үйлчилхээ болж, улмаар харвалт өгч, амь насыг нь эрсдэлд оруулж байгаа тохиолдол маш их байна. Эндээс л сэргийлж зарим эмийг жороор олгох нь зөв гэж байгаа. 

Хэрэв цахимаар тухайн эмч нь бичиж өгөхгүй, цахим нь болохгүй байгаа бол 119 дугаарт иргэдийн гомдлыг хүлээж авч байгаа. Мэргэжлийн хүмүүс гомдлыг нь сонсоод газар дээр нь шийдвэрлэж өгөхөөр ажиллаж байгаа.