Arslan.mn

Засгийн газраас хаврын чуулган эхэлсэнтэй холбогдуулан энэ долоо хоногт цахим мөрийтэй тоглоомтой холбоотой холбогдох хуулийн өөрчлөлтийг УИХ-д өргөн мэдүүлэхээр болжээ. 

Тодруулбал, өнөөдрийн байдлаар MELBET, MNBET, SCOREBET гэх цахим мөрийтэй, бооцоот платформ ажиллуулдаг гурван компанийн тусгай зөвшөөрлийг түдгэлзүүлэх, үйл ажиллагааг зогсоох саналыг холбогдох байгууллагад хүргүүлжээ. Мөн прокурорын зөвшөөрлийн дагуу 1xbet-ийн цэнэглэлт хийдэг "Mobicash pos" апп-ийн хандалтыг хязгаарлах арга хэмжээг ХХЗХороо авсан гэдгийг мэдэгдлээ.  

Цахим мөрийтэй, бооцоот тоглоом хүний хөдөлмөрлөж олсон бүхнийг нэг шөнийн дотор үгүй хийж, итгэлийг нь хулгайлж, гэр бүлээс нь эхлээд хайртай бүхнийг нь булаадаг. 

Тиймээс энэ хар сүлжээг бүрэн таслан зогсоохын тулд хууль эрх зүй, бодлогын түвшинд шаардлагатай бүх арга хэмжээг авч хэрэгжүүлэхээр холбогдох ажлын хэсэг ажиллаж байгаа аж.