Arslan.mn

Өчигдөр БХ-ны хуралдааны үеэр УИХ-ын гишүүн Ц.Мөнхтуяа "П.Наранбаяр сайдыг "Шинэ Монгол" сургуулийн төлөөлөл гэж мэднэ. Тус сургуулийн менежментийн төсөлд 1.2 тэрбум төгрөг шилжүүлсэн гэх мэдээлэл ирлээ. Сургууль бүрээс мөнгө татсан гэж байна.  Яагаад ийм болчимгүй юм хийв ээ" гэв. Үүний хариуд  П.Наранбаяр сайд "Би "Шинэ Монгол" сургуулийн төлөөлөл биш. Та хүн гүтгэж болохгүй." гэж байв.

Тэгвэл П.Наранбаяр сайдын ашиг сонирхлын талаарх баримт ил болов.

Тодруулбал, Боловсролын сайдын суудалд суугаад хоёрхон сарын дараа сургуулийн менежментийг сайжруулахад дэмжлэг үзүүлэх тухай тушаал гаргажээ. Тушаалаараа УИХ-ын гишүүн Ж.Галбадрахын санаачилсан хөтөлбөрийг 1.2 тэрбумаар санхүүжүүлэхийг үүрэгдсэн байна.

Тухайлбал, тус тушаалаар

• 800 саяыг нь 2024 оны,
• 400 саяыг нь 2025 оны улсын төсөвт тусгах зохицуулалт хийхийг ТНБД-даа даалгасан  тушаал гаргасан байсан нь ийнхүү ил болов.

Энэ асуудлыг хуулийн байгууллага шалгаж, хуулийн хариуцлага хүлээлгэх үндэслэл болох учиртай. Мөн түүнээс гадна Шинэ Монгол сургуулийн үүсгэн байгуулагч, УИХ-ын гишүүн Ж.Галбадрахыг ч шалгах хэрэгтэй. Нэг нь ажилтан, нөгөө нь үүсгэн байгуулагч нь байсан албан тушаалтнууд шүү дээ. Цагаан дээр хараар бичээгүй л болохоос биш цаагуураа холбоотойг нь бүгд мэддэг болсон. Энэ бол ашиг сонирхолын зөрчил биш гэж үү. 

Товчхондоо Монголд хулгай үүрлээгүй салбар гэж алга болжээ.