Arslan.mn

УИХ-ын гишүүн Г.Очирбат "Монголбанк бодлогын хүүгээ 2 хувиар нэмлээ. Ачааны хүнд нь ард түмний нуруун дээр ирж байна. Сүүлийн дөрвөн жил салбарын сайд хийсэн Б.Жавхлан та энэ асуудлыг юу гэж харж байна. Өнгөрсөн хугацаанд маш их төсвийг инфляцыг "барина" гэж зарцуулсан. Гэтэл үр дүн нь эсрэгээрээ бодлогын хүү өсчихлөө.

 “Шинэ хоршоо“, “Хүнсний хувьсгал“, “Цагаан алт“ гээд 3 хөтөлбөрт нийт 3,5 ИХ НАЯДЫГ зарцууллаа үр дүн байна уу". ХХААХҮЯ "халамжийн яам" болчихсон" гэв.

Сангийн сайд Б.Жавхлан "Төв банкны шийдвэр маш зөв. Төв банкны бодлогын нэгдүгээр асуудал нь төгрөгийн худалдан авах чадвар. Энэ сувгаараа ард иргэдийн өрхийн орлогын эдийн засгийн байдлыг хамгаалж байна гэсэн үг. Зээлийн асуудал гурав, дөрөвдүгээр асуудал гэж үзжээ энэ удаа. Макро бүх үзүүлэлтүүдийг нэг дор бүгдийнг эерэг барих боломж байдаггүй.

Бид өрхийн орлогыг дэмжиж байна гээд цалин, тэтгэвэр бүх юмыг нэмсэн.

Энийг дагаад хэрэглээ нэмэгдсэн. Дотоодын үйлдвэрлэл бага учраас импортод очиж суудаг. Энэ нь ханшид эргээд инфляцид нөлөөлдөг." гэв.