Arslan.mn

Ерөнхийлөгчийн Тамгын газрын дарга З.Энхболд өнөөдөр Ерөнхийлөгч Х.Баттулга Авлигын эсрэг хуульд заасан эрх мэдлийнхээ хүрээнд АТГ-ын дарга, дэд даргад нэр дэвшүүлэх иргэдийн саналыг авч эхлэхээр болсныг мэдээлсэн.

АТГ-ын дарга, дэд даргад хамгийн олон давтагдсан нэрийг Монгол Улсын Ерөнхийлөгч Х.Баттулга АТГ-ын дарга, дэд даргаар томилуулахаар УИХ-д санал оруулах юм.

Авлигын эсрэг хуульд зааснаар АТГ-ын даргад нэр дэвшигч нь:

• Төрийн албанд 15-аас доошгүй жил ажилласан
• 45 нас хүрсэн
• Эрх зүйч мэргэжилтэй
• Удирдах болон мэргэжлийн ажлын мэдлэг туршлагатай
• Сүүлийн таван жил улс төрийн албан тушаал эрхлээгүй хүн байх ёстой.

АТГ-ын дэд даргад нэр дэвшигч нь:

• Төрийн албанд 10-аас доошгүй жил ажилласан
• Эрх зүйч мэргэжилтэй
• Гүйцэтгэх болон мөрдөн байцаах ажлын мэдлэг туршлагатай
• Сүүлийн таван жил улс төрийн албан тушаал эрхлээгүй гэсэн шаардлагуудыг хангаж байх ёстой юм.