Arslan.mn

УИХ дахь МАН-ын бүлэг хуралдаж, Ерөнхий сайд У.Хүрэлсүхийг огцруулахыг дэмжсэнгүй гэж УИХ-ын гишүүн Т.Аюурсайхан мэдээллээ. Бүлгийн хуралдаанд 64 гишүүний 35 нь оролцжээ.

МАН-аас яг одоо мэдээлэл хийж байна.

МАН-ын бүлгийн дарга Д.Тогтохсүрэн "МАН-ын Удирдах зөвлөлийн хурал 10.00 цагт болж, Ерөнхий сайд У.Хүрэлсүхийг огцруулах шаардлагагүй гэж үзсэн. МАН-ын бүлэг 12.00 цагт хуралдаж, 100 хувийн саналаар энэ шаардлагыг дэмжсэнгүй" гэв. 

Хэвлэлийн хурлын үеэр УИХ-ын гишүүн Н.Номтойбаяр орж ирсэн бөгөөд "Урилгагүй зочин ирлээ. Хөөчихгүй байгаа юм биз дээ" гэв. Тэрбээр "Бүлгийн хурлын шийдвэр хууль бус, ирцээ яаж бүрдүүлсэн юм бүү мэд" хэмээсэн юм.

Харин энэ талаар МАН-ын бүлгийн дарга Д.Хаянхярваа "Манай бүлгийн 21 гишүүн гарын үсэг зурсан бичиг ирсэн. Хуулийн дагуу хэнийг ч шүүхийн шийдвэргүйгээр гэм буруутай гэж үзэхгүй. Өнөөдрийн байдлаар хууль хяналтын байгууллагаас гэм буруутайд тооцоогүй тохиолдолд бид хэний ч эрхийг хязгаарлах боломжгүй" гэлээ.